ಅಧಿಕ ಮಾಸ 2026: ಯಾವ ದಾನ ಮಾಡಿದರೆ ಏನು ಫಲ? ಅತಿರಸ ದಾನದ ಮಹತ್ವ ಮತ್ತು ಪೂರ್ಣ ಮಾಹಿತಿ ಇಲ್ಲಿದೆ

ಇದೇ ಮೇ 17ನೇ ತಾರೀಕಿನಿಂದ ಜೂನ್ 15ನೇ ತಾರೀಕಿನರೆಗೆ ‘ಅಧಿಕ ಜ್ಯೇಷ್ಠ ಮಾಸ’ ಬರಲಿದೆ. ಈ ಅಧಿಕ ಮಾಸ (ಪುರುಷೋತ್ತಮ ಮಾಸ) ಅತ್ಯಂತ ಪವಿತ್ರವಾದ ಸಮಯ. ಈ ಮಾಸದಲ್ಲಿ ಮಾಡುವ ದಾನ-ಧರ್ಮಗಳು ಸಾಮಾನ್ಯ ದಿನಗಳಿಗಿಂತ ಸಾವಿರ ಪಟ್ಟು ಹೆಚ್ಚು ಫಲ ನೀಡುತ್ತವೆ. ಅದಕ್ಕೇ ‘ಅಧಿಕಸ್ಯ ಅಧಿಕ ಫಲಂ’ ಎಂಬ ಮಾತೇ ಇದೆ. ಅಧಿಕ ಮಾಸದಲ್ಲಿ ಯಾವ ವಸ್ತುಗಳನ್ನು ದಾನ ಮಾಡಬೇಕು ಮತ್ತು ಅವುಗಳಿಂದ ಸಿಗುವ ಫಲಗಳೇನು ಎಂಬ ವಿವರವಾದ ಮಾಹಿತಿ ಇಲ್ಲಿದೆ:

ಅಧಿಕ ಮಾಸದ ಪ್ರಮುಖ ದಾನಗಳು ಮತ್ತು ಫಲಗಳು

ಅಧಿಕ ಮಾಸದಲ್ಲಿ ಮುಖ್ಯವಾಗಿ ಅಪೂಪ (ಅತಿರಸ) ದಾನಕ್ಕೆ ವಿಶೇಷ ಪ್ರಾಮುಖ್ಯ ಇದೆ. ಬೆಳ್ಳಿಯ ಅಥವಾ ತಾಮ್ರದ ಪಾತ್ರೆಯಲ್ಲಿ 33 ಅತಿರಸಗಳನ್ನು ಇಟ್ಟು ದಾನ ಮಾಡುವುದು ಶ್ರೇಷ್ಠ. ಇದು ಶಾಸ್ತ್ರದಲ್ಲಿ ಇರುವ ಪ್ರಮಾಣವಾದ್ದರಿಂದ ನೀಡಲಾಗುತ್ತಿದೆ. ಇನ್ನು ದಾನ ಮಾಡುವವರು ಶಕ್ತ್ಯಾನುಸಾರ ತಮ್ಮಿಂದ ಏನು ಸಾಧ್ಯವೋ ಅದರಲ್ಲಿ ಇಟ್ಟು, ದಾನ ಮಾಡಬಹುದು.

ದಾನ ಮಾಡುವಾಗ ಗಮನಿಸಬೇಕಾದ ಅಂಶಗಳು

• ಸಂಖ್ಯೆ 33: ಅಧಿಕ ಮಾಸದಲ್ಲಿ 33 ಎಂಬ ಸಂಖ್ಯೆಗೆ ವಿಶೇಷ ಮಹತ್ವವಿದೆ. ಆದ್ದರಿಂದ 33 ಅತಿರಸಗಳು, 33 ಹಣ್ಣುಗಳು ಅಥವಾ 33 ದೀಪಗಳನ್ನು ದಾನ ಮಾಡುವುದು ಸಂಪ್ರದಾಯ.
• ಸಂಕಲ್ಪ: ದಾನ ಮಾಡುವ ಮೊದಲು “ಶ್ರೀ ಪುರುಷೋತ್ತಮ ಪ್ರೀತ್ಯರ್ಥಂ” ಎಂದು ಸಂಕಲ್ಪ ಮಾಡಿ ದಾನ ನೀಡುವುದು ಹೆಚ್ಚು ಫಲಪ್ರದ.
• ಪಾತ್ರೆ ದಾನ: ಅತಿರಸ ಅಥವಾ ಸಿಹಿತಿಂಡಿಗಳನ್ನು ಬಿದಿರಿನ ಮೊರ ಅಥವಾ ಲೋಹದ ಪಾತ್ರೆಯಲ್ಲಿಟ್ಟು ದಾನ ಮಾಡುವುದು ಉತ್ತಮ.

2026 ಅಧಿಕ ಜ್ಯೇಷ್ಠ ಮಾಸ: ಈ ತಿಂಗಳಲ್ಲಿ ಮದುವೆ-ಮುಂಜಿ ಏಕೆ ಮಾಡಬಾರದು? ಈ ಅವಧಿಯಲ್ಲಿ ಮಾಡಬೇಕಾದ ದಾನ-ಧರ್ಮಗಳಿವು

ವಿಶೇಷ ಸೂಚನೆ: ಅಧಿಕ ಮಾಸದಲ್ಲಿ ಮಾಡುವ ದಾನವು ಕೇವಲ ಭೌತಿಕ ಲಾಭಕ್ಕಾಗಿ ಇರದೆ, ಭಗವಂತನ ಪ್ರೀತಿಗಾಗಿ ಮಾಡುವ ನಿಷ್ಕಾಮ ಕರ್ಮವಾಗಿದ್ದರೆ ಅದರ ಪುಣ್ಯ ಅಕ್ಷಯವಾಗಿರುತ್ತದೆ. ನಿಮ್ಮ ಶಕ್ತಿಗನುಗುಣವಾಗಿ ಭಕ್ತಿಯಿಂದ ನೀಡುವ ಒಂದು ಸಣ್ಣ ದಾನವೂ ದೊಡ್ಡ ಫಲವನ್ನು ನೀಡಬಲ್ಲದು.

ಅಪೂಪ ದಾನವನ್ನು ಮಾಡಬೇಕು ಎಂಬ ಉದ್ದೇಶವಿದ್ದು, ಇದಕ್ಕೆ ಸಿದ್ಧಮಾಡಿಕೊಡಲು, ಸಿದ್ಧ ಮಾಡಿಕೊಳ್ಳಲು ನೆರವಿನ ಅಗತ್ಯ ಇರುವವರು ಮೊಬೈಲ್ ಫೋನ್ ಸಂಖ್ಯೆ 96202- 16525 ಸಂಪರ್ಕಿಸಿ. ವಾಟ್ಸಾಪ್ ಮೂಲಕವೂ ಸಂಪರ್ಕಿಸಬಹುದು.  ಅದೇ ರೀತಿ ಜ್ಯೋತಿಷ್ಯ ಕನ್ಸಲ್ಟೇಷನ್ ಗಾಗಿ ಈ ಮೇಲಿನ ಮೊಬೈಲ್ ಸಂಖ್ಯೆಯನ್ನು ಸಂಪರ್ಕಿಸಬಹುದು. 

ಲೇಖನ- ಶ್ರೀನಿವಾಸ ಮಠ