ಮಕರ ರಾಶಿಯವರ ಗುಣ-ಸ್ವಭಾವ: ಮೌನವೇ ಶಕ್ತಿಯಾದ ಇವರ ಬದುಕು ಬದಲಾಗುವುದು ಯಾವಾಗ?

ಕಾಲಪುರುಷನ ರಾಶಿ ಚಕ್ರದಲ್ಲಿನ ಹತ್ತನೇ ರಾಶಿ ಮಕರ. ಕರ್ಮ ಮತ್ತು ಶ್ರಮದ ಸಂಕೇತವಾದ ಮಕರ ರಾಶಿಯ ಗುಣ-ಸ್ವಭಾವ, ವೈವಾಹಿಕ ಜೀವನ, ಹಣಕಾಸು ಮತ್ತು ಆರೋಗ್ಯದ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ. ಮಕರ ರಾಶಿಯವರು ಸಮಾಜದ ‘ನಿಷ್ಠಾವಂತ ಕರ್ಮಯೋಗಿಗಳು’. ನಿಮ್ಮ ಆಪ್ತರಲ್ಲಿ ಯಾರಾದರೂ ಮಕರ ರಾಶಿಯವರಿದ್ದರೆ ಅಥವಾ ನಿಮ್ಮ ಸಂಗಾತಿ ಈ ರಾಶಿಯವರಾಗಿದ್ದರೆ ಇಲ್ಲಿರುವ ವಿವರಗಳು ಅವರಿಗೆ ಎಷ್ಟು ಹೊಂದಿಕೆಯಾಗುತ್ತವೆ ಎಂಬುದನ್ನು ಗಮನಿಸಿ. ಈ ರಾಶಿಯು ಉತ್ತರಾಷಾಢ (2, 3, 4ನೇ ಪಾದ), ಶ್ರವಣ (4 ಪಾದ) ಮತ್ತು ಧನಿಷ್ಠ (1, 2ನೇ ಪಾದ) ನಕ್ಷತ್ರಗಳನ್ನು ಒಳಗೊಂಡಿದೆ. ಇದು ಪೃಥ್ವಿ (ಭೂಮಿ) ತತ್ತ್ವದ ಚರ ರಾಶಿಯಾಗಿದ್ದು, ಇದರ ಅಧಿಪತಿ ಶನಿ (Saturn).

1. ಗ್ರಹಗತಿ ಮತ್ತು ನಕ್ಷತ್ರ ಅಧಿಪತಿಗಳು

• ರಾಶಿ ಅಧಿಪತಿ: ಶನಿ.
• ನಕ್ಷತ್ರ ಅಧಿಪತಿಗಳು: ಉತ್ತರಾಷಾಢ (ಸೂರ್ಯ), ಶ್ರವಣ (ಚಂದ್ರ), ಧನಿಷ್ಠ (ಕುಜ).
• ಬಾಧಕಾಧಿಪತಿ: ಮಂಗಳ (ವೃಶ್ಚಿಕ ರಾಶಿಯ ಅಧಿಪತಿ).

2. ಸಾಮಾನ್ಯ ಸ್ವಭಾವ ಮತ್ತು ವ್ಯಕ್ತಿತ್ವ

• ಅತಿವೃಷ್ಟಿ ಶ್ರಮಜೀವಿಗಳು: ಇವರು ಸುಲಭವಾಗಿ ಯಾವುದನ್ನೂ ಬಯಸುವುದಿಲ್ಲ. ಕಠಿಣ ಶ್ರಮದ ಮೂಲಕವೇ ಗುರಿ ತಲುಪಬೇಕೆಂದು ನಂಬಿದವರು.
• ಗಾಂಭೀರ್ಯ: ವಯಸ್ಸಿಗೆ ಮೀರಿದ ಪಕ್ವತೆ (Maturity) ಹೊಂದಿರುತ್ತಾರೆ. ಸದಾ ಏನೋ ಒಂದು ಚಿಂತೆಯಲ್ಲಿರುವಂತೆ ಕಾಣುತ್ತಾರೆ.
• ಶಿಸ್ತು ಮತ್ತು ತಾಳ್ಮೆ: ಎಂತಹ ಕಷ್ಟದ ಪರಿಸ್ಥಿತಿಯಲ್ಲೂ ತಾಳ್ಮೆ ಕಳೆದುಕೊಳ್ಳುವುದಿಲ್ಲ. ಸಮಯಕ್ಕೆ ಹೆಚ್ಚು ಬೆಲೆ ನೀಡುತ್ತಾರೆ.
• ನಕ್ಷತ್ರವಾರು ವ್ಯತ್ಯಾಸ:
  • ಉತ್ತರಾಷಾಢ: ಧಾರ್ಮಿಕ ಚಿಂತನೆ, ಸಮಾಜದಲ್ಲಿ ಉತ್ತಮ ಗೌರವ ಮತ್ತು ನಾಯಕತ್ವ ಗುಣ.
  • ಶ್ರವಣ: ವಿದ್ವತ್ತು, ಸದಾ ಕಲಿಯುವ ಹಂಬಲ ಮತ್ತು ಮೃದುವಾದ ಮಾತು.
  • ಧನಿಷ್ಠ: ಸಾಹಸ ಪ್ರವೃತ್ತಿ, ಆರ್ಥಿಕವಾಗಿ ಸದೃಢರಾಗುವ ಛಲಗಾರರು.

3. ಆರ್ಥಿಕ ಸ್ಥಿತಿಗತಿ ಮತ್ತು ಹೂಡಿಕೆ

• ಆರಂಭಿಕ ಹೋರಾಟ: ಜೀವನದ ಮೊದಲ ಭಾಗದಲ್ಲಿ ಹಣಕಾಸಿನ ಮುಗ್ಗಟ್ಟು ಎದುರಿಸಿದರೂ ಮಧ್ಯವಯಸ್ಸಿನ ನಂತರ ಸ್ಥಿರವಾದ ಆಸ್ತಿ ಮಾಡುತ್ತಾರೆ.
• ಹೂಡಿಕೆ: ಕಬ್ಬಿಣ, ತೈಲ, ಹಳೆ ವಸ್ತುಗಳ ವ್ಯಾಪಾರ, ಗಣಿಗಾರಿಕೆ ಮತ್ತು ರಿಯಲ್ ಎಸ್ಟೇಟ್ ಇವರಿಗೆ ಲಾಭದಾಯಕ.
• ಉಳಿತಾಯ: ಇವರು ಹನಿ ಹನಿ ಕೂಡಿಸಿ ಹಳ್ಳ ಎಂಬ ಸಿದ್ಧಾಂತ ನಂಬುವವರು. ಅನಗತ್ಯ ಖರ್ಚು ಇವರಿಗೆ ಸರಿಬರುವುದಿಲ್ಲ.

ನಿಮ್ಮ ಅದೃಷ್ಟ ಬದಲಿಸಬಲ್ಲ ಸೆವೆನ್ ಚಕ್ರ ಬ್ರೇಸ್‌ಲೆಟ್: ಯಾವ ರತ್ನದ ಲಾಭ ಏನು?

4. ಕುಟುಂಬ ಮತ್ತು ಸಾಮಾಜಿಕ ಜೀವನ

• ಜವಾಬ್ದಾರಿಯುತ ವ್ಯಕ್ತಿ: ಮನೆಯ ಆಧಾರಸ್ತಂಭದಂತೆ. ಕುಟುಂಬದ ಎಲ್ಲ ಜವಾಬ್ದಾರಿಗಳನ್ನು ಮೌನವಾಗಿ ನಿಭಾಯಿಸುತ್ತಾರೆ.
• ಸಂಬಂಧಗಳು: ಪ್ರೀತಿಯನ್ನು ಪ್ರದರ್ಶಿಸುವುದು ಕಡಿಮೆ (Reserved), ಆದರೆ ಒಳಗಿನಿಂದ ಅತೀವ ಪ್ರೀತಿ ಹೊಂದಿರುತ್ತಾರೆ.
• ಸ್ನೇಹ: ಗೆಳೆಯರ ಬಳಗ ಚಿಕ್ಕದಾಗಿರುತ್ತದೆ, ಆದರೆ ಇರುವವರು ಆಪ್ತರು ಮತ್ತು ದೀರ್ಘಕಾಲದವರಾಗಿರುತ್ತಾರೆ.

5. ವೃತ್ತಿ ಮತ್ತು ಅಧಿಕಾರ

• ಕ್ಷೇತ್ರಗಳು: ಆಡಳಿತ (Administration), ಇಂಜಿನಿಯರಿಂಗ್, ಕೃಷಿ, ನ್ಯಾಯಾಂಗ ಮತ್ತು ಕಾರ್ಖಾನೆಗಳ ಮಾಲೀಕರಾಗಿ ಇವರು ಯಶಸ್ವಿಯಾಗುತ್ತಾರೆ.
• ವೈಶಿಷ್ಟ್ಯ: ಶೂನ್ಯದಿಂದ ಸಾಮ್ರಾಜ್ಯ ಕಟ್ಟಬಲ್ಲವರು. ಮೇಲಧಿಕಾರಿಗಳ ನಂಬಿಕಸ್ಥ ಕೆಲಸಗಾರರು.
• ನಿವೃತ್ತಿ: ಕೆಲಸವೇ ದೈವ. ವಿಶ್ರಾಂತಿ ಪಡೆಯುವುದಕ್ಕಿಂತ ಸದಾ ಕಾರ್ಯನಿರತವಾಗಿರುವುದಕ್ಕೆ ಇಷ್ಟಪಡುತ್ತಾರೆ.

6. ವೈವಾಹಿಕ ಜೀವನ ಮತ್ತು ಆರೋಗ್ಯ

• ಸಂಗಾತಿ: ಚಂದ್ರ ಸಪ್ತಮಾಧಿಪತಿಯಾಗಿರುವುದರಿಂದ ಸಂಗಾತಿಯು ಅತಿ ಸೂಕ್ಷ್ಮ ಮನಸ್ಸಿನವರು ಮತ್ತು ಕಾಳಜಿ ಮಾಡುವವರು ಸಿಗುತ್ತಾರೆ.
• ಆರೋಗ್ಯ ಸಮಸ್ಯೆಗಳು: ಮೊಣಕಾಲು ನೋವು (Joint Pains), ಚರ್ಮದ ಅಲರ್ಜಿ ಮತ್ತು ವಾಯು ಸಂಬಂಧಿತ ಸಮಸ್ಯೆಗಳು ಕಾಡಬಹುದು.
• ಎಚ್ಚರಿಕೆ: ಅತಿಯಾದ ಕೆಲಸದ ಒತ್ತಡದಿಂದಾಗಿ ಮಾನಸಿಕ ಖಿನ್ನತೆ ಅಥವಾ ಸುಸ್ತು ಉಂಟಾಗಬಹುದು.

ದ್ವಾದಶಿ ತಿಥಿಯಂದು ಗೋದಾನ ಮಾಡುವುದು ಅಕ್ಷಯ ಪುಣ್ಯವೇಕೆ? ಗೋಗ್ರಾಸ ಮಂತ್ರ, ದಾನದ ಕ್ರಮಗಳು

7. ಎಚ್ಚರಿಕೆ ಮತ್ತು ಜೀವನದ ಹಾದಿ

• ಮಿತಭಾಷಿಯಾಗಿರಬೇಡಿ: ಕೆಲವೊಮ್ಮೆ ನಿಮ್ಮ ಮೌನವು ಇತರರಿಗೆ ಅಹಂಕಾರದಂತೆ ಕಾಣಬಹುದು. ಮುಕ್ತವಾಗಿ ಸಂವಹನ ನಡೆಸಿ.
• ಕೀಳರಿಮೆ ಬಿಡಿ: ಜೀವನದಲ್ಲಿ ತಡವಾಗಿ ಸಿಗುವ ಯಶಸ್ಸಿನಿಂದ ಬೇಸರಗೊಳ್ಳಬೇಡಿ. ಶನಿ ನೀಡುವ ಫಲ ಸ್ಥಿರವಾಗಿರುತ್ತದೆ.
• ಯಶಸ್ಸಿನ ಗ್ರಾಫ್: 30 ವರ್ಷಗಳ ನಂತರ ಜೀವನದಲ್ಲಿ ಮಹತ್ವದ ತಿರುವು ಸಿಗುತ್ತದೆ. 40 ರಿಂದ 55ರ ವಯಸ್ಸು ಸುಖಮಯವಾಗಿರುತ್ತದೆ.

8. ಆಧ್ಯಾತ್ಮಿಕ ಪರಿಹಾರ ಮತ್ತು ದೇವಾಲಯ ಭೇಟಿ

• ಶನಿ ಆರಾಧನೆ: ಪ್ರತಿ ಶನಿವಾರ ಶನಿ ಚಾಲೀಸಾ ಅಥವಾ ‘ಶನಿ ವಜ್ರಪಂಜರ ಸ್ತೋತ್ರ’ ಪಠಿಸುವುದು ಸಂಕಷ್ಟಗಳನ್ನು ದೂರ ಮಾಡುತ್ತದೆ.
• ದೇವಾಲಯ ಭೇಟಿ: ಧರ್ಮಸ್ಥಳದ ಶ್ರೀ ಮಂಜುನಾಥ ಸ್ವಾಮಿ ಅಥವಾ ಉಡುಪಿಯ ಕೃಷ್ಣನ ದರ್ಶನ ಪಡೆಯುವುದು ವಿಶೇಷ ಫಲ ನೀಡುತ್ತದೆ.
• ದಾನ: ಬಡವರಿಗೆ ಅಥವಾ ವಯಸ್ಸಾದವರಿಗೆ ಅನ್ನದಾನ ಅಥವಾ ವಸ್ತ್ರದಾನ ಮಾಡಿ.

9. ಶುಭ ವರ್ಣಗಳು (Lucky Colors)

• ನೀಲಿ ಮತ್ತು ಕಪ್ಪು (Blue/Black): ಈ ಬಣ್ಣಗಳು ಇವರಿಗೆ ಆತ್ಮವಿಶ್ವಾಸ ಮತ್ತು ರಕ್ಷಣೆ ನೀಡುತ್ತವೆ.
• ಹಸಿರು: ಆರ್ಥಿಕ ವ್ಯವಹಾರಗಳಲ್ಲಿ ಹಸಿರು ಬಣ್ಣ ಬಳಸುವುದು ಉತ್ತಮ.

10. ಅದೃಷ್ಟ ರತ್ನ (Lucky Gemstone)

• ನೀಲಮಣಿ (Blue Sapphire): ಮಕರ ರಾಶಿಯವರಿಗೆ ನೀಲಮಣಿ ಅದೃಷ್ಟ ತರುತ್ತದೆ. ಆದರೆ ಇದನ್ನು ಧರಿಸುವ ಮುನ್ನ ತಜ್ಞ ಜ್ಯೋತಿಷಿಗಳ ಸಲಹೆ ಮತ್ತು ಪರೀಕ್ಷೆ ಅತ್ಯಗತ್ಯ.
• ಧರಿಸುವ ಕ್ರಮ: ಶನಿವಾರ ಸಂಜೆ ಪೂಜಿಸಿ, ಚಿನ್ನ ಅಥವಾ ಪಂಚಲೋಹದ ಉಂಗುರದಲ್ಲಿ ಮಧ್ಯದ ಬೆರಳಿಗೆ ಧರಿಸಬೇಕು.

11. ಮಕರ ರಾಶಿಯವರ ವಿವಾಹ ಮತ್ತು ಹೊಂದಾಣಿಕೆ (Capricorn Compatibility)

ಮಕರ ರಾಶಿಯು ಪೃಥ್ವಿ (ಭೂಮಿ) ತತ್ತ್ವದ ರಾಶಿಯಾಗಿದ್ದು, ಶನಿಯ ಅಧಿಪತ್ಯಕ್ಕೆ ಒಳಪಟ್ಟಿದೆ. ಇವರು ಜೀವನದಲ್ಲಿ ಶಿಸ್ತು, ಸಂಪ್ರದಾಯ ಮತ್ತು ಭದ್ರತೆಯನ್ನು ಬಯಸುವವರು. ಆದ್ದರಿಂದ ಇವರಿಗೆ ಜವಾಬ್ದಾರಿಯುತ ಮತ್ತು ಪ್ರಾಯೋಗಿಕವಾಗಿ ಆಲೋಚಿಸುವ ಸಂಗಾತಿ ಹೆಚ್ಚು ಸೂಕ್ತವಾಗುತ್ತಾರೆ.

1. ಅತ್ಯುತ್ತಮ ಹೊಂದಾಣಿಕೆ ಇರುವ ರಾಶಿಗಳು (Best Matches)

• ವೃಷಭ ರಾಶಿ (Taurus): ಇಬ್ಬರೂ ಭೂಮಿ ತತ್ತ್ವದವರಾದ್ದರಿಂದ ಜೀವನದ ಮೌಲ್ಯಗಳು ಒಂದೇ ಆಗಿರುತ್ತವೆ. ಹಣಕಾಸಿನ ಭದ್ರತೆ ಮತ್ತು ಸುಂದರ ಕುಟುಂಬ ನಿರ್ಮಾಣದಲ್ಲಿ ಈ ಜೋಡಿ ಮಾದರಿಯಾಗಿರುತ್ತದೆ.

• ಕನ್ಯಾ ರಾಶಿ (Virgo): ಕನ್ಯಾ ರಾಶಿಯವರ ಕಾರ್ಯದಕ್ಷತೆ ಮತ್ತು ಮಕರ ರಾಶಿಯವರ ಮಹತ್ವಾಕಾಂಕ್ಷೆ ಒಂದಕ್ಕೊಂದು ಪೂರಕ. ಇವರ ದಾಂಪತ್ಯ ಜೀವನ ಅತ್ಯಂತ ವ್ಯವಸ್ಥಿತವಾಗಿರುತ್ತದೆ.

• ವೃಶ್ಚಿಕ ರಾಶಿ (Scorpio): ವೃಶ್ಚಿಕದ ತೀವ್ರತೆ ಮತ್ತು ಮಕರದ ನಿಷ್ಠೆ ಸೇರಿದರೆ ಅತ್ಯಂತ ದೀರ್ಘಕಾಲದ ಮತ್ತು ನಂಬಿಕಸ್ತ ಸಂಬಂಧ ಏರ್ಪಡುತ್ತದೆ. ಒಬ್ಬರಿಗೊಬ್ಬರು ಬೆನ್ನೆಲುಬಾಗಿ ನಿಲ್ಲುತ್ತಾರೆ.

2. ಸಾಧಾರಣ ಹೊಂದಾಣಿಕೆ (Average Matches)

• ಮೀನ ರಾಶಿ (Pisces): ಮೀನದ ಕಲ್ಪನಾ ಲೋಕಕ್ಕೆ ಮಕರ ರಾಶಿಯವರು ವಾಸ್ತವದ ಅಡಿಪಾಯ ನೀಡುತ್ತಾರೆ. ಭಾವನೆ ಮತ್ತು ಪ್ರಾಯೋಗಿಕತೆಯ ಸಮತೋಲನವಿದ್ದರೆ ಈ ಜೋಡಿ ಯಶಸ್ವಿಯಾಗುತ್ತದೆ.

• ಕರ್ಕಾಟಕ ರಾಶಿ (Cancer): ಇದು ಮಕರದ ಸಪ್ತಮ (ವಿರುದ್ಧ) ರಾಶಿ. ಕರ್ಕಾಟಕದ ಮೃದು ಸ್ವಭಾವ ಮತ್ತು ಮಕರದ ಕಠಿಣ ಶಿಸ್ತಿನ ನಡುವೆ ಆರಂಭದಲ್ಲಿ ವ್ಯತ್ಯಾಸ ಕಂಡರೂ, ಪರಸ್ಪರ ಪೂರಕವಾಗಿ ಬಾಳಬಹುದು.

3. ಕಡಿಮೆ ಹೊಂದಾಣಿಕೆ (Challenging Matches)

• ಮೇಷ ಮತ್ತು ತುಲಾ ರಾಶಿ: ಮೇಷದ ಆತುರ ಮತ್ತು ತುಲಾ ರಾಶಿಯವರ ಅತಿಯಾದ ಸಾಮಾಜಿಕ ಜೀವನ ಮಕರ ರಾಶಿಯವರಿಗೆ ಹಿಡಿಸುವುದಿಲ್ಲ. ಮಕರದ ಗಾಂಭೀರ್ಯಕ್ಕೆ ಇವರ ಚಂಚಲ ಸ್ವಭಾವ ಹೊಂದಾಣಿಕೆಯಾಗುವುದು ಕಷ್ಟ.

ಹಣೆಬರಹವನ್ನೇ ಬದಲಿಸಬಲ್ಲ ಶಕ್ತಿಶಾಲಿ ಕ್ಷೇತ್ರ: ತಿರುಪತ್ತುರ್ ಬ್ರಹ್ಮಪುರೀಶ್ವರರ್ ದೇವಾಲಯ!

ಮಕರ ರಾಶಿ – ಸಂಕ್ಷಿಪ್ತ ಮಾಹಿತಿ

ಸೂರ್ಯನಿಂದ ಕೇತುವಿನವರೆಗೆ: ನಿಮ್ಮ ಜೀವನದ ಮೇಲೆ ಒಂಬತ್ತು ಗ್ರಹಗಳ ಪರಿಣಾಮ ಹೇಗಿರುತ್ತದೆ?

ಕೊನೆಮಾತು:

ಮಕರ ರಾಶಿಯವರು ಸಮಾಜದ ಅತಿ ಜಾಗ್ರತೆ, ಅತಿ ಮುಂಜಾಗ್ರತೆ, ಅತಿ ಕಾಳಜಿ, ಅತಿ ಬುದ್ಧಿವಂತಿಕೆ ಹೀಗೆ ಯಾವ ಅತಿಯನ್ನೂ ಮಾಡಬಾರದು. ಅತಿ ಆಲೋಚನೆ ಮಾಡುವುದರಿಂದಲೇ ಹಲವು ಸಮಸ್ಯೆಗಳನ್ನು ಮಾಡಿಕೊಳ್ಳುವ ಜನ ಇವರು.

ಲೇಖನ- ಶ್ರೀನಿವಾಸ ಮಠ

.