ಸಿಂಹ ರಾಶಿ ಫಲ: ಇವರ ಆರೋಗ್ಯ, ಹಣಕಾಸು ಮತ್ತು ಸಂಸಾರದಲ್ಲಿನ ಏರಿಳಿತಗಳಿಗೆ ಸರಳ ಪರಿಹಾರಗಳು

ಕಾಲಪುರುಷನ ರಾಶಿ ಚಕ್ರದ ಐದನೇ ರಾಶಿಯಾದ ಸಿಂಹದ ಗುಣ-ಸ್ವಭಾವ, ವೈವಾಹಿಕ ಜೀವನ, ಹಣಕಾಸು ಮತ್ತು ಆರೋಗ್ಯದ ಕುರಿತಾದ ಸಮಗ್ರ ಮಾಹಿತಿ ಇಲ್ಲಿದೆ. ಸಿಂಹ ರಾಶಿಯವರು ಹುಟ್ಟುತ್ತಲೇ ‘ನಾಯಕತ್ವ’ದ ಗುಣವನ್ನು ಮೈಗೂಡಿಸಿಕೊಂಡವರು. ಕಾಡಿಗೆ ಸಿಂಹ ಹೇಗೆ ರಾಜನೋ ಹಾಗೆಯೇ ಸಮಾಜದಲ್ಲಿ ತಮ್ಮದೇ ಆದ ಪ್ರಭಾವ ಹೊಂದಿರುವವರು ಇವರು. ನಿಮ್ಮ ಆಪ್ತರಲ್ಲಿ ಯಾರಾದರೂ ಸಿಂಹ ರಾಶಿಯವರಿದ್ದರೆ ಅಥವಾ ನಿಮ್ಮ ಸಂಗಾತಿ ಈ ರಾಶಿಯವರಾಗಿದ್ದರೆ, ಇಲ್ಲಿರುವ ವಿವರಗಳು ಅವರಿಗೆ ಎಷ್ಟು ಹೊಂದಿಕೆಯಾಗುತ್ತವೆ ಎಂಬುದನ್ನು ಗಮನಿಸಿ. 

ಈ ರಾಶಿಯು ಮಖ (4 ಪಾದ), ಪುಬ್ಬಾ – ಪೂರ್ವಾಫಲ್ಗುಣಿ (4 ಪಾದ) ಮತ್ತು ಉತ್ತರಾ ಫಲ್ಗುಣಿ (1ನೇ ಪಾದ) ನಕ್ಷತ್ರಗಳನ್ನು ಒಳಗೊಂಡಿದೆ. ಇದು ಅಗ್ನಿ ತತ್ತ್ವದ ಸ್ಥಿರ ರಾಶಿಯಾಗಿದ್ದು, ಇದರ ಅಧಿಪತಿ ಗ್ರಹಗಳ ರಾಜನಾದ ಸೂರ್ಯ (Sun).

1. ಗ್ರಹಗತಿ ಮತ್ತು ನಕ್ಷತ್ರ ಅಧಿಪತಿಗಳು

• ರಾಶಿ ಅಧಿಪತಿ: ಸೂರ್ಯ.
• ನಕ್ಷತ್ರ ಅಧಿಪತಿಗಳು: ಮಖ (ಕೇತು), ಪುಬ್ಬಾ (ಶುಕ್ರ), ಉತ್ತರಾ ಫಲ್ಗುಣಿ (ಸೂರ್ಯ).
• ಬಾಧಕಾಧಿಪತಿ: ಒಂಬತ್ತನೇ ರಾಶಿಯಾಗುವ ಮೇಷದ ಅಧಿಪತಿಯಾದ ಕುಜ (ಮಂಗಳ).

2. ಸಾಮಾನ್ಯ ಸ್ವಭಾವ ಮತ್ತು ವ್ಯಕ್ತಿತ್ವ

• ರಾಜಸ ಗುಣ: ಇವರಲ್ಲಿ ಒಂದು ರೀತಿಯ ಗಾಂಭೀರ್ಯ ಮತ್ತು ದರ್ಪ ಇರುತ್ತದೆ. ಗುಂಪಿನಲ್ಲಿ ಹತ್ತು ಜನರಿದ್ದರೂ ಇವರು ಪ್ರತ್ಯೇಕವಾಗಿ ಎದ್ದು ಕಾಣುತ್ತಾರೆ.
• ಧೈರ್ಯವಂತರು: ಎಂತಹ ಕಠಿಣ ಪರಿಸ್ಥಿತಿಯನ್ನೂ ಎದುರಿಸುವ ಎದೆಗಾರಿಕೆ ಇವರಿಗಿದೆ. ಅನ್ಯಾಯದ ವಿರುದ್ಧ ಧ್ವನಿ ಎತ್ತುವುದರಲ್ಲಿ ಇವರು ಮೊದಲಿಗರು.
• ಸ್ವಾಭಿಮಾನಿಗಳು: ಇವರಿಗೆ ಗೌರವವೇ ಪ್ರಾಣ. ಯಾರಾದರೂ ಇವರ ಅಹಂಗೆ (Ego) ಧಕ್ಕೆ ತಂದರೆ ಅದನ್ನು ಸಹಿಸಿಕೊಳ್ಳುವುದಿಲ್ಲ.
• ನಕ್ಷತ್ರವಾರು ವ್ಯತ್ಯಾಸ:
  • ಮಖ: ಪಿತೃಗಳ ಅನುಗ್ರಹವಿರುವವರು, ಸಮಾಜದಲ್ಲಿ ಉನ್ನತ ಸ್ಥಾನ ಮತ್ತು ಅಧಿಕಾರ ಪಡೆಯುತ್ತಾರೆ.
  • ಪುಬ್ಬಾ: ಕಲಾಪ್ರಿಯರು, ಭೋಗ ಜೀವನದ ಕಡೆಗೆ ಆಕರ್ಷಿತರಾಗುತ್ತಾರೆ ಮತ್ತು ಸ್ನೇಹಕ್ಕೆ ಬೆಲೆ ನೀಡುತ್ತಾರೆ.
  • ಉತ್ತರಾ ಫಲ್ಗುಣಿ: ಸದಾ ಕಾರ್ಯನಿರತರು, ದಾನಶೀಲರು ಮತ್ತು ಆಡಳಿತಾತ್ಮಕ ಚತುರತೆ ಹೊಂದಿರುವವರು.

ಹಣೆಬರಹವನ್ನೇ ಬದಲಿಸಬಲ್ಲ ಶಕ್ತಿಶಾಲಿ ಕ್ಷೇತ್ರ: ತಿರುಪತ್ತುರ್ ಬ್ರಹ್ಮಪುರೀಶ್ವರರ್ ದೇವಾಲಯ!

3. ಆರ್ಥಿಕ ಸ್ಥಿತಿಗತಿ ಮತ್ತು ಹೂಡಿಕೆ

• ವೈಭವದ ಜೀವನ: ಇವರು ರಾಜರಂತೆ ಬದುಕಲು ಇಷ್ಟಪಡುತ್ತಾರೆ. ಹಾಗಾಗಿ ಬ್ರಾಂಡೆಡ್ ವಸ್ತುಗಳು ಮತ್ತು ವಿಲಾಸಿ ಜೀವನಕ್ಕಾಗಿ ಹೆಚ್ಚು ಹಣ ಖರ್ಚು ಮಾಡುತ್ತಾರೆ.
• ಹೂಡಿಕೆ: ಸರ್ಕಾರಿ ಬಾಂಡ್‌ಗಳು, ಬಂಗಾರ ಮತ್ತು ರಿಯಲ್ ಎಸ್ಟೇಟ್ ಮೇಲೆ ಹೂಡಿಕೆ ಮಾಡುವುದು ಇವರಿಗೆ ಲಾಭದಾಯಕ. ಬುಧ ಧನಾಧಿಪತಿ ಆಗಿರುವುದರಿಂದ ವ್ಯಾಪಾರದಲ್ಲೂ ಉತ್ತಮ ಆದಾಯ ಗಳಿಸುತ್ತಾರೆ.
• ಹಣಕಾಸಿನ ಹರಿವು: ಇವರ ಕೈಯಲ್ಲಿ ಹಣ ಹೆಚ್ಚು ಸಮಯ ನಿಲ್ಲುವುದಿಲ್ಲ, ಆದರೆ ಬೇಕಾದ ಸಮಯದಲ್ಲಿ ಹಣ ಇವರಿಗೆ ಒದಗಿ ಬರುತ್ತದೆ.

4. ಕುಟುಂಬ ಮತ್ತು ಸಾಮಾಜಿಕ ಜೀವನ

• ಕುಟುಂಬದ ಆಧಾರಸ್ತಂಭ: ಇವರು ಕುಟುಂಬದ ಎಲ್ಲ ಜವಾಬ್ದಾರಿಯನ್ನು ತಾವೇ ಹೊತ್ತು ನಡೆಸುತ್ತಾರೆ. ಕುಟುಂಬದ ಸದಸ್ಯರಿಗೆ ಇವರಿಂದ ಉತ್ತಮ ರಕ್ಷಣೆ ಸಿಗುತ್ತದೆ.
• ಸಂಬಂಧಗಳು: ಇವರು ಪ್ರೀತಿ ಮಾಡುವವರ ಮೇಲೆ ಅತಿಯಾದ ಅಧಿಕಾರ ಚಲಾಯಿಸಬಹುದು (Dominating Nature), ಆದರೆ ಇವರ ಪ್ರೀತಿ ಅತ್ಯಂತ ಪ್ರಾಮಾಣಿಕವಾಗಿರುತ್ತದೆ.
• ಸಾಮಾಜಿಕ ಗೌರವ: ವೇದಿಕೆಗಳಲ್ಲಿ, ಸಂಘ-ಸಂಸ್ಥೆಗಳಲ್ಲಿ ಇವರಿಗೆ ಗೌರವದ ಸ್ಥಾನ ಸದಾ ದೊರೆಯುತ್ತದೆ.

5. ವೃತ್ತಿ ಮತ್ತು ಅಧಿಕಾರ

• ಕ್ಷೇತ್ರಗಳು: ರಾಜಕೀಯ, ಸರ್ಕಾರಿ ಉನ್ನತ ಹುದ್ದೆಗಳು (IAS/IPS), ವೈದ್ಯಕೀಯ ಕ್ಷೇತ್ರ, ಸಿನಿಮಾ ನಿರ್ದೇಶನ, ಆಭರಣದ ವ್ಯಾಪಾರ ಮತ್ತು ಸೇನಾಪಡೆಯಲ್ಲಿ ಇವರು ಮಿಂಚುತ್ತಾರೆ.
• ನಾಯಕತ್ವ: ಇವರು ಯಾರಿಗೂ ಬಗ್ಗುವವರಲ್ಲ. ಇವರ ಕೈಕೆಳಗೆ ಅನೇಕ ಜನ ಕೆಲಸ ಮಾಡುವಂತಹ ಅಧಿಕಾರ ಇವರಿಗೆ ಒಲಿಯುತ್ತದೆ.
• ವಿಶ್ವಸನೀಯತೆ: ಕೊಟ್ಟ ಮಾತನ್ನು ಉಳಿಸಿಕೊಳ್ಳಲು ಇವರು ಎಂತಹ ತ್ಯಾಗಕ್ಕೂ ಸಿದ್ಧ.

6. ವೈವಾಹಿಕ ಜೀವನ ಮತ್ತು ಆರೋಗ್ಯ

• ಸಂಗಾತಿ: ಶನಿ ಸಪ್ತಮಾಧಿಪತಿ ಆಗಿರುವುದರಿಂದ, ಸಂಗಾತಿಯು ಶಿಸ್ತಿನವರಾಗಿರುತ್ತಾರೆ. ಆದರೆ ಸೂರ್ಯ ಮತ್ತು ಶನಿ ಪರಸ್ಪರ ಶತ್ರುಗ್ರಹಗ ಆಗಿರುವುದರಿಂದ ಸಂಗಾತಿಯ ಜೊತೆ ಆಗಾಗ ಅಹಂನ ಘರ್ಷಣೆಗಳು ನಡೆಯಬಹುದು.
• ಆರೋಗ್ಯ ಸಮಸ್ಯೆಗಳು: ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು, ಬೆನ್ನುನೋವು ಮತ್ತು ಕಣ್ಣಿನ ದೃಷ್ಟಿಗೆ ಸಂಬಂಧಿಸಿದ ತೊಂದರೆಗಳು ಬರಬಹುದು. ಅತಿಯಾದ ಕೋಪ ಇವರ ಬಿಪಿ ಹೆಚ್ಚಿಸಬಹುದು.
• ಎಚ್ಚರಿಕೆ: ಬಿಸಿಲಿನಲ್ಲಿ ಅತಿಯಾಗಿ ಅಲೆಯುವುದರಿಂದ ಶರೀರದಲ್ಲಿ ಉಷ್ಣಾಂಶ ಹೆಚ್ಚಾಗಬಹುದು, ಸಾಕಷ್ಟು ನೀರು ಕುಡಿಯುವುದು ಇವರಿಗೆ ಉತ್ತಮ.

7. ಎಚ್ಚರಿಕೆ ಮತ್ತು ಜೀವನದ ಹಾದಿ

• ಅಹಂಕಾರ ನಿಯಂತ್ರಿಸಿ: ನಿಮ್ಮ ಆತ್ಮವಿಶ್ವಾಸ ಒಳ್ಳೆಯದು, ಆದರೆ ಅದು ಅತಿವಿಶ್ವಾಸವಾಗಿ ಬದಲಾಗಬಾರದು. ಸಣ್ಣವರನ್ನೂ ಗೌರವಿಸುವುದನ್ನು ಕಲಿಯಿರಿ.
• ಹೊಗಳಿಕೆಗೆ ಮಾರುಹೋಗಬೇಡಿ: ಕೆಲವರು ನಿಮ್ಮನ್ನು ಹೊಗಳಿ ಕೆಲಸ ಮಾಡಿಸಿಕೊಳ್ಳಬಹುದು, ಈ ಬಗ್ಗೆ ಜಾಗ್ರತೆ ಇರಲಿ.
• ಯಶಸ್ಸಿನ ಗ್ರಾಫ್: 22 ನೇ ವಯಸ್ಸಿನಿಂದಲೇ ಇವರ ಏಳಿಗೆ ಆರಂಭವಾದರೂ 28 ರಿಂದ 35ನೇ ವಯಸ್ಸಿನಲ್ಲಿ ಇವರು ಜೀವನದ ಉನ್ನತ ಹಂತ ತಲುಪುತ್ತಾರೆ.

8. ಆಧ್ಯಾತ್ಮಿಕ ಪರಿಹಾರ ಮತ್ತು ದೇವಾಲಯ ಭೇಟಿ

• ಸೂರ್ಯಾರಾಧನೆ: ಪ್ರತಿದಿನ ಸೂರ್ಯೋದಯದ ಸಮಯದಲ್ಲಿ ‘ಸೂರ್ಯ ನಮಸ್ಕಾರ’ ಮಾಡುವುದು ಮತ್ತು ‘ಆದಿತ್ಯ ಹೃದಯ’ ಸ್ತೋತ್ರ ಪಠಿಸುವುದು ಇವರ ಅದೃಷ್ಟವನ್ನು ದುಪ್ಪಟ್ಟು ಮಾಡುತ್ತದೆ.
• ದೇವಾಲಯ ಭೇಟಿ: ಗಾಣಗಾಪುರದ ದತ್ತಾತ್ರೇಯ ಸನ್ನಿಧಿ ಅಥವಾ ಪರ್ವತಗಳ ಮೇಲಿರುವ ಸುಬ್ರಹ್ಮಣ್ಯ ಸ್ವಾಮಿ ಅಥವಾ ನರಸಿಂಹ ಸ್ವಾಮಿಯ ದರ್ಶನ ಮಾಡುವುದು ಇವರಿಗೆ ಶ್ರೇಯಸ್ಕರ.
• ಶನಿ ದೋಷಕ್ಕೆ ಪರಿಹಾರ: ಸಪ್ತಮಾಧಿಪತಿ ಶನಿಯ ಪ್ರಭಾವ ತಗ್ಗಿಸಲು ಶನಿವಾರ ದೀಪ ಹಚ್ಚುವುದು ಅಥವಾ ದಶರಥ ಕೃತ ಶನಿಸ್ತೋತ್ರ ಪಠಿಸುವುದು ಸಂಸಾರದಲ್ಲಿ ಶಾಂತಿ ತರುತ್ತದೆ.

9. ಶುಭ ವರ್ಣಗಳು (Lucky Colors)

• ಕೇಸರಿ ಮತ್ತು ಕಿತ್ತಳೆ (Orange/Saffron): ಇವು ಇವರ ಯಶಸ್ಸಿನ ಬಣ್ಣಗಳು. ಸೂರ್ಯನಿಗೆ ಪೂರಕವಾದ ಈ ಬಣ್ಣಗಳು ಇವರ ತೇಜಸ್ಸನ್ನು ಹೆಚ್ಚಿಸುತ್ತವೆ.
• ಹಳದಿ ಮತ್ತು ಕೆಂಪು: ಧನಾತ್ಮಕ ಶಕ್ತಿಯನ್ನು ನೀಡುತ್ತವೆ.
• ಗಮನಿಸಿ: ಕಪ್ಪು ಮತ್ತು ಗಾಢ ನೀಲಿ ಬಣ್ಣಗಳ ಬಳಕೆಯನ್ನು ಆದಷ್ಟು ಕಡಿಮೆ ಮಾಡುವುದು ಒಳ್ಳೆಯದು.

10. ಅದೃಷ್ಟ ರತ್ನ (Lucky Gemstone)

• ಮಾಣಿಕ್ಯ (Ruby): ಸೂರ್ಯನ ಬಲಕ್ಕಾಗಿ ಮಾಣಿಕ್ಯವನ್ನು ಧರಿಸುವುದು ಅತ್ಯಂತ ಶ್ರೇಷ್ಠ. ಇದು ಆರೋಗ್ಯ, ಕೀರ್ತಿ ಮತ್ತು ಅಧಿಕಾರವನ್ನು ತರುತ್ತದೆ.
• ಧರಿಸುವ ಕ್ರಮ: ಮಾಣಿಕ್ಯವನ್ನು ಚಿನ್ನದ ಉಂಗುರದಲ್ಲಿ ಮಾಡಿಸಿ, ಭಾನುವಾರ ಬೆಳಗ್ಗೆ ಪೂಜಿಸಿ ಉಂಗುರದ ಬೆರಳಿಗೆ ಧರಿಸಬೇಕು.

11. ಇತರ ರಾಶಿಗಳೊಂದಿಗೆ ಹೊಂದಾಣಿಕೆ (Compatibility)

• ಉತ್ತಮ ಹೊಂದಾಣಿಕೆ: ಮೇಷ (Aries) ಮತ್ತು ಧನು (Sagittarius). ಈ ಅಗ್ನಿ ತತ್ತ್ವದ ರಾಶಿಗಳ ಜೊತೆ ಇವರ ಸ್ನೇಹ ದೀರ್ಘಕಾಲ ಇರುತ್ತದೆ.
• ಮಧ್ಯಮ ಹೊಂದಾಣಿಕೆ: ಮಿಥುನ (Gemini) ಮತ್ತು ತುಲಾ (Libra).
• ಸವಾಲಿನ ಹೊಂದಾಣಿಕೆ: ವೃಶ್ಚಿಕ (Scorpio) ಮತ್ತು ಮಕರ (Capricorn).

ಸೂರ್ಯನಿಂದ ಕೇತುವಿನವರೆಗೆ: ನಿಮ್ಮ ಜೀವನದ ಮೇಲೆ ಒಂಬತ್ತು ಗ್ರಹಗಳ ಪರಿಣಾಮ ಹೇಗಿರುತ್ತದೆ?

ಸಿಂಹ ರಾಶಿ – ಸಂಕ್ಷಿಪ್ತ ಮಾಹಿತಿ

ಕೊನೆಮಾತು: ಸಿಂಹ ರಾಶಿಯವರು ಇತರರಿಗೆ ಬಾಗುವುದು ಕಷ್ಟ. ಆದರೆ ಪ್ರೀತಿಯಿಂದ ನಿಮ್ಮನ್ನು ಯಾರು ಬೇಕಾದರೂ ಗೆಲ್ಲಬಹುದು. ನಿಮ್ಮಲ್ಲಿರುವ ನಾಯಕತ್ವದ ಗುಣವು ಸಮಾಜದ ಏಳಿಗೆಗೆ ಬಳಕೆಯಾಗಲಿ.

ಲೇಖನ- ಶ್ರೀನಿವಾಸ ಮಠ