ಸೌಂದರ್ಯ ಆರಾಧಕ ಆರ್ಥಿಕ ಚತುರ ತುಲಾ ರಾಶಿಯವರ ಆಕರ್ಷಕ ವ್ಯಕ್ತಿತ್ವ ಸಂಪೂರ್ಣ ಗುಣಸ್ವಭಾವ

ಕಾಲಪುರುಷನ ರಾಶಿ ಚಕ್ರದಲ್ಲಿ ಏಳನೇ ರಾಶಿಯಾದ ತುಲಾ ರಾಶಿಯ ಗುಣ-ಸ್ವಭಾವ, ವೈವಾಹಿಕ ಜೀವನ, ಹಣಕಾಸು ಮತ್ತು ಆರೋಗ್ಯದ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ. ತುಲಾ ರಾಶಿಯವರು ಸಮಾಜದ ‘ನ್ಯಾಯಾಧೀಶರು’ ಮತ್ತು ‘ಸೌಂದರ್ಯ ಆರಾಧಕರು’. ನಿಮ್ಮ ಆಪ್ತರಲ್ಲಿ ಯಾರಾದರೂ ತುಲಾ ರಾಶಿಯವರಿದ್ದರೆ ಅಥವಾ ನಿಮ್ಮ ಸಂಗಾತಿ ಈ ರಾಶಿಯವರಾಗಿದ್ದರೆ ಇಲ್ಲಿರುವ ವಿವರಗಳು ಅವರಿಗೆ ಎಷ್ಟು ಹೊಂದಿಕೆಯಾಗುತ್ತವೆ ಎಂಬುದನ್ನು ಗಮನಿಸಿ. ಈ ರಾಶಿಯು ಚಿತ್ತಾ (3, 4ನೇ ಪಾದ), ಸ್ವಾತಿ (4 ಪಾದ) ಮತ್ತು ವಿಶಾಖ (1, 2, 3ನೇ ಪಾದ) ನಕ್ಷತ್ರಗಳನ್ನು ಒಳಗೊಂಡಿದೆ. ಇದು ವಾಯು ತತ್ತ್ವದ ಚರ ರಾಶಿಯಾಗಿದ್ದು, ಇದರ ಅಧಿಪತಿ ಐಶ್ವರ್ಯ ಮತ್ತು ಕಲೆಯ ಗ್ರಹವಾದ ಶುಕ್ರ (Venus).

1. ಗ್ರಹಗತಿ ಮತ್ತು ನಕ್ಷತ್ರ ಅಧಿಪತಿಗಳು

• ರಾಶಿ ಅಧಿಪತಿ: ಶುಕ್ರ.
• ನಕ್ಷತ್ರ ಅಧಿಪತಿಗಳು: ಚಿತ್ತಾ (ಕುಜ), ಸ್ವಾತಿ (ರಾಹು), ವಿಶಾಖ (ಗುರು).
• ಬಾಧಕಾಧಿಪತಿ: ಸೂರ್ಯ (ಸಿಂಹ ರಾಶಿಯ ಅಧಿಪತಿ).

2. ಸಾಮಾನ್ಯ ಸ್ವಭಾವ ಮತ್ತು ವ್ಯಕ್ತಿತ್ವ

• ಸಮತೋಲನ (Balance): ತಕ್ಕಡಿಯಂತೆ ಎಲ್ಲವನ್ನೂ ಸಮಾನವಾಗಿ ತೂಗುವ ಸ್ವಭಾವ ಇವರದ್ದು. 
• ಆಕರ್ಷಕ ವ್ಯಕ್ತಿತ್ವ: ಶುಕ್ರನ ಪ್ರಭಾವದಿಂದ ಇವರು ನೋಟಕ್ಕೆ ಆಕರ್ಷಕವಾಗಿರುತ್ತಾರೆ ಮತ್ತು ಮಾತಿನಿಂದಲೇ ಜನರನ್ನು ಮರುಳು ಮಾಡುವ ಶಕ್ತಿ ಹೊಂದಿದ್ದಾರೆ.
• ಶಾಂತಿಪ್ರಿಯರು: ಜಗಳಗಳಿಂದ ಇವರು ದೂರವಿರುತ್ತಾರೆ. ಯಾವುದೇ ಸಮಸ್ಯೆಯನ್ನು ಸಂಧಾನದ ಮೂಲಕ ಬಗೆಹರಿಸಲು ಇಷ್ಟಪಡುತ್ತಾರೆ.
• ನಕ್ಷತ್ರವಾರು ವ್ಯತ್ಯಾಸ:
  • ಚಿತ್ತಾ: ಚತುರತೆ ಮತ್ತು ತಾಂತ್ರಿಕ ಜ್ಞಾನವಿದ್ದರೂ ಸ್ವಲ್ಪ ಹಠದ ಸ್ವಭಾವ ಇರುತ್ತದೆ.
  • ಸ್ವಾತಿ: ಸ್ವಾತಂತ್ರ್ಯ ಪ್ರಿಯರು, ಬುದ್ಧಿವಂತರು ಮತ್ತು ಜೀವನದಲ್ಲಿ ಸದಾ ಪ್ರಗತಿ ಬಯಸುವವರು.
  • ವಿಶಾಖ: ಮಹತ್ವಾಕಾಂಕ್ಷಿಗಳು, ದೈವಭಕ್ತರು ಮತ್ತು ಗುರಿ ತಲುಪುವವರೆಗೂ ವಿಶ್ರಮಿಸದವರು.

3. ಆರ್ಥಿಕ ಸ್ಥಿತಿಗತಿ ಮತ್ತು ಹೂಡಿಕೆ

• ವಿಲಾಸಿ ಜೀವನ: ಇವರು ಸುಂದರವಾದ ಮನೆ, ಒಳ್ಳೆಯ ಬಟ್ಟೆ ಮತ್ತು ಐಷಾರಾಮಿ ವಸ್ತುಗಳಿಗಾಗಿ ಹಣ ಖರ್ಚು ಮಾಡುತ್ತಾರೆ.
• ಆದಾಯ: ಹದಿಹರೆಯಕ್ಕಿಂತ ಮಧ್ಯವಯಸ್ಸಿನ ನಂತರ ಇವರ ಆರ್ಥಿಕ ಸ್ಥಿತಿ ಸ್ಥಿರವಾಗುತ್ತದೆ.
• ಹೂಡಿಕೆ: ಕಲೆ, ವಸ್ತ್ರಾಭರಣ, ಕಾಸ್ಮೆಟಿಕ್ಸ್ ಮತ್ತು ಐಷಾರಾಮಿ ವಾಹನಗಳ ವ್ಯವಹಾರದಲ್ಲಿ ಹೂಡಿಕೆ ಮಾಡುವುದು ಇವರಿಗೆ ಲಾಭದಾಯಕ.

ಹಣೆಬರಹವನ್ನೇ ಬದಲಿಸಬಲ್ಲ ಶಕ್ತಿಶಾಲಿ ಕ್ಷೇತ್ರ: ತಿರುಪತ್ತುರ್ ಬ್ರಹ್ಮಪುರೀಶ್ವರರ್ ದೇವಾಲಯ!

4. ಕುಟುಂಬ ಮತ್ತು ಸಾಮಾಜಿಕ ಜೀವನ

• ಸಂಬಂಧಗಳ ಮೌಲ್ಯ: ಇವರು ಸ್ನೇಹಕ್ಕೆ ಹೆಚ್ಚಿನ ಬೆಲೆ ನೀಡುತ್ತಾರೆ. ಹೋದ ಕಡೆಯಲ್ಲೆಲ್ಲಾ ಜನರನ್ನು ಅಚ್ಚುಮೆಚ್ಚಿನವರನ್ನಾಗಿ ಮಾಡಿಕೊಳ್ಳುತ್ತಾರೆ.
• ಸಂಗಾತಿ: ಇವರ ವೈವಾಹಿಕ ಜೀವನವು ಬಹಳ ಪ್ರಾಮುಖ್ಯತೆ ಪಡೆಯುತ್ತದೆ. ಸಂಗಾತಿಯ ಜೊತೆ ಸದಾ ಸೌಹಾರ್ದದಿಂದ ಇರಲು ಬಯಸುತ್ತಾರೆ.
• ಸಾಮಾಜಿಕ ಗೌರವ: ಇವರು ಉತ್ತಮ ಸಲಹೆಗಾರರಾಗಿ ಗುರುತಿಸಿಕೊಳ್ಳುತ್ತಾರೆ.

5. ವೃತ್ತಿ ಮತ್ತು ಅಧಿಕಾರ

• ಕ್ಷೇತ್ರಗಳು: ನ್ಯಾಯಾಧೀಶರು, ವಕೀಲರು, ಕಲೆ, ಸಂಗೀತ, ಫ್ಯಾಷನ್ ಡಿಸೈನಿಂಗ್, ಹೋಟೆಲ್ ಉದ್ಯಮ ಮತ್ತು ಸಾರ್ವಜನಿಕ ಸಂಪರ್ಕ (PR) ಕ್ಷೇತ್ರಗಳಲ್ಲಿ ಇವರು ಮಿಂಚುತ್ತಾರೆ.
• ವ್ಯಾಪಾರ: ಪಾಲುದಾರಿಕೆ (Partnership) ವ್ಯವಹಾರವು ಇವರಿಗೆ ಚೆನ್ನಾಗಿ ಒದಗಿಬರುತ್ತದೆ.
• ಚತುರತೆ: ಕಠಿಣವಾದ ಕೆಲಸಗಳನ್ನು ಪ್ರೀತಿಯಿಂದ ಮತ್ತು ಸೌಮ್ಯವಾಗಿ ಮಾಡಿಸಿಕೊಳ್ಳುವ ಕಲೆ ಇವರಿಗೆ ಕರಗತ.

6. ವೈವಾಹಿಕ ಜೀವನ ಮತ್ತು ಆರೋಗ್ಯ

• ಸಂಗಾತಿ: ಕುಜ (ಮಂಗಳ) ಸಪ್ತಮಾಧಿಪತಿ ಆಗಿರುವುದರಿಂದ ಸಂಗಾತಿಯು ಸ್ವಲ್ಪ ಉಗ್ರ ಸ್ವಭಾವದವರು ಆಗಿರುವ ಸಾಧ್ಯತೆ ಇದೆ. ಆದರೆ ತುಲಾ ರಾಶಿಯವರು ತಮ್ಮ ಸೌಮ್ಯ ಸ್ವಭಾವದಿಂದ ಪರಿಸ್ಥಿತಿಯನ್ನು ನಿಭಾಯಿಸುತ್ತಾರೆ.
• ಆರೋಗ್ಯ ಸಮಸ್ಯೆಗಳು: ಮೂತ್ರಪಿಂಡ (Kidney) ಸಂಬಂಧಿತ ಸಮಸ್ಯೆಗಳು, ಸೊಂಟ ನೋವು ಮತ್ತು ಮಧುಮೇಹದ ಬಗ್ಗೆ ಜಾಗ್ರತೆ ವಹಿಸಬೇಕು.
• ಎಚ್ಚರಿಕೆ: ಅತಿಯಾದ ಸಿಹಿತಿಂಡಿಗಳ ಸೇವನೆ ಮತ್ತು ಮಾನಸಿಕ ಒತ್ತಡವನ್ನು ನಿಯಂತ್ರಿಸುವುದು ಅಗತ್ಯ.

7. ಎಚ್ಚರಿಕೆ ಮತ್ತು ಜೀವನದ ಹಾದಿ

• ನಿರ್ಧಾರ ತೆಗೆದುಕೊಳ್ಳುವಲ್ಲಿ ವಿಳಂಬ: ಎಲ್ಲವನ್ನೂ ತೂಗಿ ನೋಡುವ ಸ್ವಭಾವದಿಂದಾಗಿ ಕೆಲವು ಬಾರಿ ಸರಿಯಾದ ಸಮಯಕ್ಕೆ ನಿರ್ಧಾರ ತೆಗೆದುಕೊಳ್ಳಲು ಪರದಾಡುತ್ತಾರೆ.
• ಹೊಗಳಿಕೆಗೆ ಮಾರುಹೋಗಬೇಡಿ: ಸಕ್ಕರೆಯಂತಹ ಮಾತಿನಿಂದ ನಿಮ್ಮನ್ನು ಮೋಸಗೊಳಿಸುವವರು ಇರಬಹುದು, ಎಚ್ಚರ.
• ಯಶಸ್ಸಿನ ಗ್ರಾಫ್: 25ನೇ ವಯಸ್ಸಿನ ನಂತರ ಜೀವನದಲ್ಲಿ ಪ್ರಗತಿ ಕಾಣಲಿದ್ದು, 33 ರಿಂದ 42 ವರ್ಷಗಳ ಅವಧಿಯು ಅತ್ಯಂತ ಶ್ರೇಷ್ಠವಾಗಿರುತ್ತದೆ.

ಜ್ಯೋತಿಷ್ಯ- ವಿಜ್ಞಾನದ ಸಮನ್ವಯಕಾರ: ಜ್ಯೋತಿರ್ವಿಜ್ಞಾನದ ಮಹಾಪುರುಷ ವರಾಹಮಿಹಿರ

8. ಆಧ್ಯಾತ್ಮಿಕ ಪರಿಹಾರ ಮತ್ತು ದೇವಾಲಯ ಭೇಟಿ

• ಮಹಾಲಕ್ಷ್ಮಿ ಆರಾಧನೆ: ಶುಕ್ರನ ಬಲಕ್ಕಾಗಿ ಪ್ರತಿದಿನ ‘ಲಕ್ಷ್ಮಿ ಅಷ್ಟೋತ್ತರ’ ಅಥವಾ ‘ಕನಕಧಾರಾ ಸ್ತೋತ್ರ’ ಪಠಿಸುವುದು ಆರ್ಥಿಕ ಅಭಿವೃದ್ಧಿ ತರುತ್ತದೆ.
• ದೇವಾಲಯ ಭೇಟಿ: ಕೊಲ್ಲೂರು ಮೂಕಾಂಬಿಕಾ ಅಥವಾ ಹೊರನಾಡು ಅನ್ನಪೂರ್ಣೇಶ್ವರಿ ದೇವಾಲಯಕ್ಕೆ ಭೇಟಿ ನೀಡುವುದು ಶ್ರೇಯಸ್ಕರ.
• ಶುಕ್ರನ ಬಲಕ್ಕೆ: ಶುಕ್ರವಾರದಂದು ಬಿಳಿ ಬಣ್ಣದ ಹೂವುಗಳಿಂದ ದೇವಿಯನ್ನು ಪೂಜಿಸಿ ಅಥವಾ ಬಡವರಿಗೆ ಅನ್ನದಾನ ಮಾಡಿ.

9. ಶುಭ ವರ್ಣಗಳು (Lucky Colours)

• ಬಿಳಿ ಮತ್ತು ತಿಳಿ ನೀಲಿ (White/Light Blue): ಈ ಬಣ್ಣಗಳು ಇವರ ತೇಜಸ್ಸನ್ನು ಮತ್ತು ಮನಸ್ಸಿನ ಶಾಂತಿಯನ್ನು ಹೆಚ್ಚಿಸುತ್ತವೆ.
• ಗುಲಾಬಿ (Pink): ಆತ್ಮವಿಶ್ವಾಸ ಮತ್ತು ಪ್ರೀತಿಯನ್ನು ವೃದ್ಧಿಸುತ್ತದೆ.

10. ಅದೃಷ್ಟ ರತ್ನ (Lucky Gemstone)

• ವಜ್ರ (Diamond): ತುಲಾ ರಾಶಿಯವರಿಗೆ ವಜ್ರವು ಅತ್ಯಂತ ಶುಭದಾಯಕ. ಇದು ಐಶ್ವರ್ಯ ಮತ್ತು ಕೀರ್ತಿಯನ್ನು ತರುತ್ತದೆ.
• ಧರಿಸುವ ಕ್ರಮ: ವಜ್ರವನ್ನು ಚಿನ್ನದ ಅಥವಾ ಪ್ಲಾಟಿನಂ ಲೋಹದಲ್ಲಿ ಉಂಗುರ ಮಾಡಿಸಿ, ಶುಕ್ರವಾರ ಬೆಳಗ್ಗೆ ಪೂಜಿಸಿ ತೋರುಬೆರಳಿಗೆ ಧರಿಸಬೇಕು.

ಅದೃಷ್ಟ ರತ್ನ ಧಾರಣೆ ಮಾಡುವ ಮುನ್ನ ಜ್ಯೋತಿಷಿಗಳ ಬಳಿ ಜನ್ಮಜಾತಕವನ್ನು ತೋರಿಸಿ, ಅವರಿಂದ ಸಲಹೆ ಪಡೆದು ಮುಂದುವರಿಯುವುದು ಕ್ಷೇಮ, ಉತ್ತಮ.

11. ತುಲಾ ರಾಶಿಯವರ ವಿವಾಹ ಮತ್ತು ಹೊಂದಾಣಿಕೆ (Libra Compatibility)

ತುಲಾ ರಾಶಿಯವರು ಸಮತೋಲನವನ್ನು ಬಯಸುವವರು. ದಾಂಪತ್ಯ ಜೀವನದಲ್ಲಿ ಶಾಂತಿ, ಸಾಮರಸ್ಯ ಮತ್ತು ಸಂಗಾತಿಯೊಂದಿಗೆ ಉತ್ತಮ ಒಡನಾಟ ಇರಬೇಕೆಂದು ಇವರು ಹಂಬಲಿಸುತ್ತಾರೆ. ಇವರು ಒಂಟಿತನವನ್ನು ಇಷ್ಟಪಡುವುದಿಲ್ಲ, ಆದ್ದರಿಂದ ಇವರಿಗೆ ಸದಾ ಬೆಂಬಲ ನೀಡುವ ಸಂಗಾತಿ ಬೇಕು.

1. ಅತ್ಯುತ್ತಮ ಹೊಂದಾಣಿಕೆ ಇರುವ ರಾಶಿಗಳು (Best Matches)

• ಮಿಥುನ ರಾಶಿ (Gemini): ಇಬ್ಬರೂ ವಾಯು ತತ್ತ್ವದವರಾದ್ದರಿಂದ ಇವರ ನಡುವೆ ಅದ್ಭುತವಾದ ಬೌದ್ಧಿಕ ಸಂವಹನವಿರುತ್ತದೆ. ಸಾಮಾಜಿಕವಾಗಿ ಬೆರೆಯುವುದು ಮತ್ತು ಹೊಸ ವಿಚಾರಗಳನ್ನು ಚರ್ಚಿಸುವುದು ಇವರಿಬ್ಬರಿಗೂ ಇಷ್ಟ. ಈ ಜೋಡಿ ಅತ್ಯಂತ ಸುಖಿ ಜೋಡಿಯಾಗಿರುತ್ತದೆ.

• ಕುಂಭ ರಾಶಿ (Aquarius): ಕುಂಭದ ವಿಭಿನ್ನ ಆಲೋಚನೆಗಳು ಮತ್ತು ತುಲಾ ರಾಶಿಯವರ ಹೊಂದಾಣಿಕೆಯ ಗುಣ ಚೆನ್ನಾಗಿ ಒಪ್ಪುತ್ತದೆ. ಒಬ್ಬರಿಗೊಬ್ಬರು ವೈಯಕ್ತಿಕ ಸ್ವಾತಂತ್ರ್ಯ ನೀಡುತ್ತಾ ಸುಂದರ ಜೀವನ ನಡೆಸುತ್ತಾರೆ.

• ಸಿಂಹ ರಾಶಿ (Leo): ಸಿಂಹದ ಆಕರ್ಷಕ ವ್ಯಕ್ತಿತ್ವ ಮತ್ತು ತುಲಾ ರಾಶಿಯವರ ನಯವಾದ ಮಾತುಗಳು ಪರಸ್ಪರರನ್ನು ಸೆಳೆಯುತ್ತವೆ. ಇಬ್ಬರೂ ಐಷಾರಾಮಿ ಮತ್ತು ಸುಂದರ ಜೀವನವನ್ನು ಇಷ್ಟಪಡುತ್ತಾರೆ.

2. ಸಾಧಾರಣ ಹೊಂದಾಣಿಕೆ (Average Matches)

• ಧನು ರಾಶಿ (Sagittarius): ಧನಸ್ಸು ರಾಶಿಯವರ ಸಾಹಸ ಪ್ರವೃತ್ತಿ ತುಲಾ ರಾಶಿಯವರಿಗೆ ಇಷ್ಟವಾಗುತ್ತದೆ. ಆದರೆ ಧನಸ್ಸಿನ ನೇರ ಮಾತುಗಳು ಕೆಲವೊಮ್ಮೆ ಸೂಕ್ಷ್ಮ ಮನಸ್ಸಿನ ತುಲಾ ರಾಶಿಯವರಿಗೆ ನೋವುಂಟು ಮಾಡಬಹುದು.

• ಮೇಷ ರಾಶಿ (Aries): ಇದು ತುಲಾ ರಾಶಿಯ ಸಪ್ತಮ (ವಿರುದ್ಧ) ರಾಶಿ. ಮೇಷದ ಆತುರ ಮತ್ತು ತುಲಾ ರಾಶಿಯ ನಿಧಾನಗತಿಯ ನಿರ್ಧಾರಗಳ ನಡುವೆ ಸದಾ ಯುದ್ಧ ನಡೆಯುತ್ತಿರುತ್ತದೆ. ಆದರೆ ಆಕರ್ಷಣೆ ಮಾತ್ರ ಅತೀ ಹೆಚ್ಚು ಇರುತ್ತದೆ.

3. ಕಡಿಮೆ ಹೊಂದಾಣಿಕೆ (Challenging Matches)

• ಕರ್ಕಾಟಕ ರಾಶಿ (Cancer): ಕರ್ಕಾಟಕದ ಅತಿಯಾದ ಭಾವನಾತ್ಮಕತೆ ಮತ್ತು ತುಲಾ ರಾಶಿಯವರ ತಾರ್ಕಿಕ ಗುಣದ ನಡುವೆ ಸಮತೋಲನ ಕಷ್ಟ. ಕರ್ಕಾಟಕ ಮನೆಯಲ್ಲೇ ಇರಲು ಬಯಸಿದರೆ, ತುಲಾ ಹೊರಗಿನ ಪ್ರಪಂಚವನ್ನು ಇಷ್ಟಪಡುತ್ತದೆ.

• ಮಕರ ರಾಶಿ (Capricorn): ಮಕರದ ಕಟ್ಟುನಿಟ್ಟಾದ ಶಿಸ್ತು ಮತ್ತು ತುಲಾ ರಾಶಿಯವರ “ಜಾಲಿ” ಸ್ವಭಾವದ ನಡುವೆ ಘರ್ಷಣೆ ಉಂಟಾಗಬಹುದು. ಇಬ್ಬರ ಜೀವನಶೈಲಿಯೇ ಭಿನ್ನವಾಗಿರುತ್ತದೆ.

ತುಲಾ ರಾಶಿ – ಸಂಕ್ಷಿಪ್ತ ಮಾಹಿತಿ 

ನಿಮ್ಮ ರಾಶಿಗನುಗುಣವಾಗಿ ಅದೃಷ್ಟ ತರುವ ವಾಹನದ ಬಣ್ಣ ಯಾವುದು?

ಕೊನೆಮಾತು:

ತುಲಾ ರಾಶಿಯವರು ಕೆಲವು ಭಾವನಾತ್ಮಕ ವಿಚಾರಗಳಲ್ಲಿ ಕಲ್ಲಿನಂತೆ ಆಗಿಬಿಡುತ್ತಾರೆ. ತಮ್ಮವರ ವಿರುದ್ಧವೇ ದ್ವೇಷ ಸಾಧನೆ, ಹಠ ಮಾಡುವುದು, ಮಾತು ಬಿಡುವುದು ಇಂಥದನ್ನು ಮಾಡುತ್ತಾರೆ. ಇದರಿಂದ ಅವರಿಗೂ ಆರೋಗ್ಯ ಸಮಸ್ಯೆ ಹಾಗೂ ಆಪ್ತರೂ ಸಂಬಂಧಿಕರು, ಸ್ನೇಹಿತರಿಗೂ ಮಾನಸಿಕ ಒತ್ತಡವಾಗುತ್ತದೆ.

ಲೇಖನ– ಶ್ರೀನಿವಾಸ ಮಠ