ನಿಮ್ಮ ಕುಂಡಲಿಯಲ್ಲಿ ಕುಜ ಎಲ್ಲಿದ್ದಾನೆ? 12 ಭಾವಗಳಲ್ಲಿ ಮಂಗಳನ ಪ್ರಭಾವ ಮತ್ತು ಕುಜ ದೋಷಕ್ಕೆ ಸರಳ ಪರಿಹಾರಗಳು

ಜನ್ಮ ಕುಂಡಲಿಯಲ್ಲಿ ಕುಜ (ಮಂಗಳ) ಗ್ರಹವು ರಕ್ತ, ಶಕ್ತಿ, ಸಾಹಸ, ಭೂಮಿ ಮತ್ತು ದಾಂಪತ್ಯದ ಕಾರಕ. ಕುಜನು ಕುಳಿತಿರುವ ಸ್ಥಾನ ಮತ್ತು ಅವನ ಬಲ (ಸ್ವಕ್ಷೇತ್ರ, ಉಚ್ಚ, ನೀಚ) ವ್ಯಕ್ತಿಯ ಜೀವನದ ದಿಕ್ಕನ್ನೇ ಬದಲಿಸಬಲ್ಲದು. ಮೇಷ- ವೃಶ್ಚಿಕ ರಾಶಿಗಳು ಕುಜನಿಗೆ ಸ್ವಕ್ಷೇತ್ರವಾದರೆ, ಮಕರ ರಾಶಿಯು ಉಚ್ಚ ಕ್ಷೇತ್ರ, ಕರ್ಕಾಟಕ ರಾಶಿಯು ನೀಚ ಕ್ಷೇತ್ರವಾಗುತ್ತದೆ. ಲಗ್ನಾದಿ ಹನ್ನೆರಡು ಮನೆಗಳಲ್ಲಿ ಕುಜನ ಫಲ ಹಾಗೂ ವಿವಿಧ ಸ್ಥಿತಿಗಳ ಕುರಿತಾದ ಸವಿಸ್ತಾರ ಲೇಖನ ಇಲ್ಲಿದೆ:

ಕುಜ ದೋಷದ ಮೂಲ ಶ್ಲೋಕ

ಜಾತಕದಲ್ಲಿ ಮಂಗಳನ ಸ್ಥಾನದ ಮಹತ್ವವನ್ನು ಈ ಕೆಳಗಿನ ಶ್ಲೋಕವು ವಿವರಿಸುತ್ತದೆ:

ಲಗ್ನೇ ವ್ಯಯೇ ಚ ಪಾತಾಲೇ ಜಾಮಿತ್ರೇ ಚಾಷ್ಟಮೇ ಕುಜೇ |

ಸ್ತ್ರೀಣಾಂ ಭರ್ತೃವಿನಾಶಃ ಸ್ಯಾತ್ ಪುಂಸಾಂ ಭಾರ್ಯಾ ವಿನಶ್ಯತಿ ||

ಅರ್ಥ: ಲಗ್ನ (1), ಹನ್ನೆರಡು (12), ನಾಲ್ಕು (4), ಏಳು (7) ಮತ್ತು ಎಂಟನೇ (8) ಮನೆಯಲ್ಲಿ ಕುಜನು ಇದ್ದರೆ, ಅದು ಸ್ತ್ರೀಯರಿಗೆ ಪತಿಹಾನಿ ಹಾಗೂ ಪುರುಷರಿಗೆ ಪತ್ನಿಹಾನಿ ಅಥವಾ ವೈವಾಹಿಕ ಜೀವನದಲ್ಲಿ ತೀವ್ರ ಕಷ್ಟಗಳನ್ನು ನೀಡುತ್ತದೆ ಎಂದು ಶಾಸ್ತ್ರ ಹೇಳುತ್ತದೆ.

ಸ್ವಕ್ಷೇತ್ರಗಳಾದ ಮೇಷ- ವೃಶ್ಚಿಕದಲ್ಲಿ ಕುಜ ಗ್ರಹ ಇದ್ದಲ್ಲಿ ಫಲ ಹೀಗಿದೆ:

ಉಚ್ಚ- ನೀಚ ಕ್ಷೇತ್ರಗಳಲ್ಲಿ ಇರುವ ಕುಜ ಗ್ರಹದ ಫಲ ಹೀಗಿದೆ:

ಲಗ್ನದಿಂದ 12 ಮನೆಗಳಲ್ಲಿ ಕುಜನ ಸವಿಸ್ತಾರ ಫಲಗಳು

1. ಪ್ರಥಮ ಭಾವ (ಲಗ್ನ)

• ಸಾಮಾನ್ಯ ಫಲ: ವ್ಯಕ್ತಿಯು ಉದ್ರೇಕಿ, ಸಾಹಸಿ ಮತ್ತು ಧೈರ್ಯಶಾಲಿ. ಮುಖದಲ್ಲಿ ತೇಜಸ್ಸು ಅಥವಾ ಗಾಯದ ಗುರುತು ಇರಬಹುದು.
• ಸ್ವಕ್ಷೇತ್ರ (ಮೇಷ/ವೃಶ್ಚಿಕ): ‘ರುಚಕ ಯೋಗ’ ಸೃಷ್ಟಿ. ಅದ್ಭುತ ವ್ಯಕ್ತಿತ್ವ, ನಾಯಕತ್ವ ಮತ್ತು ದೈಹಿಕ ಬಲ.
• ಉಚ್ಚ (ಮಕರ): ಶಿಸ್ತಿನ ಜೀವನ, ಸಮಾಜದಲ್ಲಿ ದೊಡ್ಡ ಸ್ಥಾನಮಾನ, ರಾಜಕೀಯ ಯಶಸ್ಸು.
• ನೀಚ (ಕರ್ಕಾಟಕ): ಕೀಳರಿಮೆ, ಅತಿಯಾದ ಕೋಪ, ಆರೋಗ್ಯದ ತೊಂದರೆ, ಸದಾ ಅತೃಪ್ತಿ.

2. ದ್ವಿತೀಯ ಭಾವ (ಧನ ಸ್ಥಾನ)

• ಸಾಮಾನ್ಯ ಫಲ: ಮಾತಿನಲ್ಲಿ ಬಿರುಸು. ಕುಟುಂಬದಲ್ಲಿ ವಾದ-ವಿವಾದಗಳು ಹೆಚ್ಚು. ಕಣ್ಣಿನ ಸಮಸ್ಯೆ ಇರಬಹುದು.
• ಸ್ವಕ್ಷೇತ್ರ: ಆಸ್ತಿಯಿಂದ ಲಾಭ, ಮಾತಿನ ಮೂಲಕ ಪ್ರಭಾವ ಬೀರುವ ಸಾಮರ್ಥ್ಯ.
• ಉಚ್ಚ: ಸ್ಥಿರ ಆಸ್ತಿ ಪ್ರಾಪ್ತಿ, ಕುಟುಂಬದ ಬೆಂಬಲ, ಆರ್ಥಿಕವಾಗಿ ಸದೃಢ.
• ನೀಚ: ಹಣದ ಮುಗ್ಗಟ್ಟು, ಕಠೋರ ಮಾತುಗಳಿಂದ ಸಂಬಂಧಗಳು ದೂರವಾಗುತ್ತವೆ.

ಕುಂಭ ರಾಶಿಯಲ್ಲಿ ಕುಜ-ರಾಹು ಸಂಯೋಗ: ನಿಮ್ಮ ಜಾತಕ, ಗೋಚಾರದ ‘ಅಂಗಾರಕ ಯೋಗ’ ಅಸಲಿ ಪ್ರಭಾವವೇನು?

3. ತೃತೀಯ ಭಾವ (ಪರಾಕ್ರಮ ಸ್ಥಾನ)

• ಸಾಮಾನ್ಯ ಫಲ: ಸಾಹಸಿ, ಕಿರಿಯ ಸಹೋದರರೊಂದಿಗೆ ಭಿನ್ನಾಭಿಪ್ರಾಯ ಆದರೆ ಅವರ ಮೂಲಕವೇ ಪ್ರಸಿದ್ಧಿ.
• ಸ್ವಕ್ಷೇತ್ರ: ಮಹಾನ್ ಪರಾಕ್ರಮಿ, ಕ್ರೀಡೆ ಅಥವಾ ತಾಂತ್ರಿಕ ಕ್ಷೇತ್ರದಲ್ಲಿ ಸಾಧನೆ.
• ಉಚ್ಚ: ಎದುರಾಳಿಗಳಿಲ್ಲದ ವೀರ, ಸೈನ್ಯ ಅಥವಾ ರಕ್ಷಣಾ ಇಲಾಖೆಯಲ್ಲಿ ಉನ್ನತ ಹುದ್ದೆ.
• ನೀಚ: ಸಹೋದರರೊಂದಿಗೆ ಆಸ್ತಿ ಕಲಹ, ಧೈರ್ಯದ ಕೊರತೆ, ಸಣ್ಣಪುಟ್ಟ ಅಪಘಾತಗಳು.

4. ಚತುರ್ಥ ಭಾವ (ಸುಖ/ಮಾತೃ ಸ್ಥಾನ)

• ಸಾಮಾನ್ಯ ಫಲ: ಮನೆಯಲ್ಲಿ ಅಶಾಂತಿ, ತಾಯಿಯ ಆರೋಗ್ಯದಲ್ಲಿ ಏರುಪೇರು. ವಾಹನ ಅಪಘಾತದ ಭಯ.
• ಸ್ವಕ್ಷೇತ್ರ: ಸ್ವಂತ ಮನೆ ಮತ್ತು ಜಮೀನಿನ ಲಾಭ. ಅಧಿಕಾರಯುತ ಜೀವನ.
• ಉಚ್ಚ: ಬಂಗಲೆ, ವಾಹನ ಸುಖ ಮತ್ತು ಸಮಾಜದಲ್ಲಿ ಉನ್ನತ ಗೌರವ.
• ನೀಚ: ಮನೆ ಕಟ್ಟುವಲ್ಲಿ ಅಡೆತಡೆ, ತಾಯಿಗೆ ಕಷ್ಟ, ಮಾನಸಿಕ ನೆಮ್ಮದಿಯ ಕೊರತೆ.

5. ಪಂಚಮ ಭಾವ (ಸಂತಾನ/ಬುದ್ಧಿ ಸ್ಥಾನ)

• ಸಾಮಾನ್ಯ ಫಲ: ತೀಕ್ಷ್ಣ ಬುದ್ಧಿ, ಆದರೆ ಅತಿಯಾದ ಜಿಗುಟುತನ. ಪ್ರೇಮ ವೈಫಲ್ಯ ಸಾಧ್ಯತೆ.
• ಸ್ವಕ್ಷೇತ್ರ: ಬುದ್ಧಿವಂತ ಮಕ್ಕಳು, ಕಲೆ ಅಥವಾ ವಿಜ್ಞಾನದಲ್ಲಿ ಹೆಚ್ಚಿನ ಸಾಧನೆ.
• ಉಚ್ಚ: ಆಡಳಿತಾತ್ಮಕ ಬುದ್ಧಿಮತ್ತೆ, ಮಕ್ಕಳಿಂದ ಕೀರ್ತಿ, ಷೇರು ಮಾರುಕಟ್ಟೆಯಲ್ಲಿ ಲಾಭ.
• ನೀಚ: ಸಂತಾನ ಭಾಗ್ಯದಲ್ಲಿ ವಿಳಂಬ, ತಪ್ಪು ನಿರ್ಧಾರಗಳಿಂದ ಹಣ ನಷ್ಟ.

6. ಷಷ್ಠ ಭಾವ (ಶತ್ರು/ರೋಗ ಸ್ಥಾನ)

• ಸಾಮಾನ್ಯ ಫಲ: ಶತ್ರುಗಳ ಮೇಲೆ ಜಯ. ಸಾಲದ ಬಾಧೆ ಇರಬಹುದು. ಆದರೆ ಅದನ್ನು ತೀರಿಸುವ ಶಕ್ತಿ ಇರುತ್ತದೆ.
• ಸ್ವಕ್ಷೇತ್ರ: “ಶತ್ರುಹಂತಕ ಯೋಗ”. ವಾದ-ವಿವಾದಗಳಲ್ಲಿ ಅಪ್ರತಿಮ ಯಶಸ್ಸು.
• ಉಚ್ಚ: ಕಾನೂನು ಹೋರಾಟಗಳಲ್ಲಿ ವಿಜಯ, ಆರೋಗ್ಯವಂತ ದೇಹ, ಕಠಿಣ ಪರಿಶ್ರಮಿ.
• ನೀಚ: ಗುಪ್ತ ಶತ್ರುಗಳ ಕಾಟ, ರಕ್ತ ಸಂಬಂಧಿ ಕಾಯಿಲೆಗಳು, ಕೋರ್ಟ್ ಕೇಸುಗಳಲ್ಲಿ ಸೋಲು.

ನಿಮ್ಮ ಜಾತಕದಲ್ಲಿ ರುಚಕ ಯೋಗವಿದೆಯೇ? ಅದರ ಪೂರ್ಣ ಮಾಹಿತಿ

7. ಸಪ್ತಮ ಭಾವ (ಕಳತ್ರ/ವಿವಾಹ ಸ್ಥಾನ)

• ಸಾಮಾನ್ಯ ಫಲ: ತೀವ್ರ ಕುಜ ದೋಷ. ದಾಂಪತ್ಯದಲ್ಲಿ ಕಲಹ, ಸಂಗಾತಿಯೊಂದಿಗೆ ಸದಾ ಜಗಳ.
• ಸ್ವಕ್ಷೇತ್ರ: ಸಂಗಾತಿಯು ಧೈರ್ಯವಂತರು ಮತ್ತು ನಿಷ್ಠಾವಂತರು. ದೋಷದ ಪ್ರಭಾವ ಕಡಿಮೆ.
• ಉಚ್ಚ: ಜೀವನ ಸಂಗಾತಿಯಿಂದ ಲಾಭ, ವ್ಯವಹಾರದಲ್ಲಿ ಪಾಲುದಾರಿಕೆಯಿಂದ ಪ್ರಗತಿ.
• ನೀಚ: ವೈವಾಹಿಕ ಜೀವನದಲ್ಲಿ ವಿರಸ, ವಿಚ್ಛೇದನದ ಭಯ, ಅತೃಪ್ತ ಜೀವನ.

8. ಅಷ್ಟಮ ಭಾವ (ಆಯುಷ್ಯ ಸ್ಥಾನ)

• ಸಾಮಾನ್ಯ ಫಲ: ಮಾಂಗಲ್ಯ ದೋಷ. ಅನಿರೀಕ್ಷಿತ ಅವಘಡಗಳು ಅಥವಾ ಶಸ್ತ್ರಚಿಕಿತ್ಸೆ ಸಾಧ್ಯತೆ.
• ಸ್ವಕ್ಷೇತ್ರ: ಸಂಶೋಧನೆಯಲ್ಲಿ ಆಸಕ್ತಿ, ಅಪಘಾತಗಳಿಂದ ಪಾರಾಗುವ ಶಕ್ತಿ.
• ಉಚ್ಚ: ದೀರ್ಘಾಯುಷ್ಯ, ವಿಮೆ ಅಥವಾ ಲಾಟರಿ ಮೂಲಕ ಹಠಾತ್ ಧನಲಾಭ.
• ನೀಚ: ದೀರ್ಘಕಾಲದ ಅನಾರೋಗ್ಯ, ಅವಮಾನ, ಸಂಗಾತಿಗೆ ಕಷ್ಟ.

9. ನವಮ ಭಾವ (ಭಾಗ್ಯ ಸ್ಥಾನ)

• ಸಾಮಾನ್ಯ ಫಲ: ತಂದೆಯೊಂದಿಗೆ ಭಿನ್ನಾಭಿಪ್ರಾಯ. ಧಾರ್ಮಿಕವಾಗಿ ಉಗ್ರ ನಿಲುವು.
• ಸ್ವಕ್ಷೇತ್ರ: ವಿದೇಶಿ ಪ್ರಯಾಣದಿಂದ ಲಾಭ, ಧರ್ಮ ರಕ್ಷಕನಾಗಿ ಹೆಸರು ಮಾಡುತ್ತಾರೆ.
• ಉಚ್ಚ: ಅದೃಷ್ಟದ ಒಲವು, ಸಮಾಜ ಸುಧಾರಕ, ಸತ್ಯದ ಹಾದಿಯಲ್ಲಿ ನಡೆಯುವವರು.
• ನೀಚ: ಭಾಗ್ಯದ ಕೊರತೆ, ಅಧರ್ಮ ಕಾರ್ಯಗಳಲ್ಲಿ ಆಸಕ್ತಿ, ತಂದೆಯಿಂದ ಆಸ್ತಿ ವಂಚನೆ.

10. ದಶಮ ಭಾವ (ಕರ್ಮ ಸ್ಥಾನ)

• ಸಾಮಾನ್ಯ ಫಲ: ಕುಜ ಇಲ್ಲಿ ‘ದಿಗ್ಬಲ’ ಹೊಂದುತ್ತಾನೆ. ಅಧಿಕಾರ ಮತ್ತು ಪ್ರಭುತ್ವ ಸಿಗುತ್ತದೆ.
• ಸ್ವಕ್ಷೇತ್ರ: ದೊಡ್ಡ ಉದ್ದಿಮೆದಾರ ಅಥವಾ ಪೊಲೀಸ್ ಅಧಿಕಾರಿ. ಯಶಸ್ಸಿನ ಶಿಖರ ಏರುತ್ತಾರೆ.
• ಉಚ್ಚ: “ಕುಲದೀಪಕ ಯೋಗ”. ರಾಜಕೀಯ ಅಥವಾ ಆಡಳಿತದಲ್ಲಿ ಅದ್ಭುತ ಸಾಧನೆ.
• ನೀಚ: ಕೆಲಸದಲ್ಲಿ ಅಸ್ಥಿರತೆ, ಉದ್ಯೋಗದಲ್ಲಿ ಮೇಲಧಿಕಾರಿಗಳೊಂದಿಗೆ ಸದಾ ಕಿರಿಕಿರಿ.

ಶಶಿ ಮಂಗಳ ಯೋಗ: ಸಂಪೂರ್ಣ ಮಾಹಿತಿ, ಶ್ಲೋಕ ಮತ್ತು ರಾಶಿ ಫಲಗಳು

11. ಏಕಾದಶ ಭಾವ (ಲಾಭ ಸ್ಥಾನ)

• ಸಾಮಾನ್ಯ ಫಲ: ಹಿರಿಯ ಸಹೋದರರ ಬೆಂಬಲ ಕಡಿಮೆ ಇರಬಹುದು ಆದರೆ ಹಣಕಾಸಿನ ಲಾಭ ಸದಾ ಇರುತ್ತದೆ.
• ಸ್ವಕ್ಷೇತ್ರ: ಭೂಮಿಯಿಂದ ಮತ್ತು ರಿಯಲ್ ಎಸ್ಟೇಟ್‌ನಿಂದ ಭಾರೀ ಲಾಭ.
• ಉಚ್ಚ: ಕೋಟ್ಯಧಿಪತಿ ಯೋಗ, ಉತ್ತಮ ಮಿತ್ರ ಮಂಡಳಿ, ಸಕಲ ಸೌಕರ್ಯಗಳ ಪ್ರಾಪ್ತಿ.
• ನೀಚ: ಗೆಳೆಯರಿಂದ ಮೋಸ, ಲಾಭಕ್ಕಿಂತ ನಷ್ಟವೇ ಹೆಚ್ಚು, ಹಣಕಾಸಿನ ಅತೃಪ್ತಿ.

12. ದ್ವಾದಶ ಭಾವ (ವ್ಯಯ ಸ್ಥಾನ)

• ಸಾಮಾನ್ಯ ಫಲ: ಅನಗತ್ಯ ಖರ್ಚು, ಆಸ್ಪತ್ರೆ ಖರ್ಚು ಹೆಚ್ಚಾಗಬಹುದು. ನಿದ್ರಾಹೀನತೆ.
• ಸ್ವಕ್ಷೇತ್ರ: ದಾನ-ಧರ್ಮಗಳಿಗೆ ಹಣ ವ್ಯಯ, ರಹಸ್ಯ ಕಾರ್ಯಗಳಲ್ಲಿ ಜಯ.
• ಉಚ್ಚ: ಆಧ್ಯಾತ್ಮಿಕ ಸಾಧನೆಗಾಗಿ ಖರ್ಚು, ವಿದೇಶದಲ್ಲಿ ಭೂಮಿ ಖರೀದಿ.
• ನೀಚ: ಸಾಲದ ಸುಳಿ, ಶಿಕ್ಷೆ ಅಥವಾ ಬಂಧನದ ಭಯ, ಕಾಮಪ್ರಚೋದಕ ಪ್ರವೃತ್ತಿ.

ಪರಿಹಾರೋಪಾಯಗಳು

ಜಾತಕದಲ್ಲಿ ಕುಜನು ಈ ಸ್ಥಾನಗಳಲ್ಲಿದ್ದಾಗ ಹೆದರುವ ಅಗತ್ಯವಿಲ್ಲ. ಕೆಲವು ಸರಳ ಪರಿಹಾರಗಳಿಂದ ಇದರ ತೀವ್ರತೆಯನ್ನು ಕಡಿಮೆ ಮಾಡಬಹುದು:

1. ಸುಬ್ರಹ್ಮಣ್ಯ ಆರಾಧನೆ: ಪ್ರತಿದಿನ ಅಥವಾ ಮಂಗಳವಾರ ಸುಬ್ರಹ್ಮಣ್ಯ ಅಷ್ಟಕ ಪಠಿಸುವುದು ಶ್ರೇಷ್ಠ.
2. ಕಳತ್ರ ದೋಷ ಶಾಂತಿ: ವಿವಾಹಕ್ಕೆ ಮುನ್ನ ಕುಂಭ ವಿವಾಹ ಅಥವಾ ಅರ್ಕ ವಿವಾಹ ಮಾಡಿಸುವುದು ಪದ್ಧತಿ.
3. ದಾನ: ಮಂಗಳವಾರದ ದಿನ ಕೆಂಪು ವಸ್ತ್ರದೊಂದಿಗೆ ತೊಗರಿ ಬೇಳೆ ಅಥವಾ ಬೆಲ್ಲವನ್ನು ದಾನ ಮಾಡುವುದು ಮಂಗಳನ ದುಷ್ಪ್ರಭಾವವನ್ನು ತಗ್ಗಿಸುತ್ತದೆ.
4. ನರಸಿಂಹ ಆರಾಧನೆ: ನರಸಿಂಹನ ಆರಾಧನೆಯು ಕುಜ ದೋಷದ ಕೆಟ್ಟ ಪರಿಣಾಮಗಳನ್ನು ದೂರ ಮಾಡುತ್ತದೆ.

ಲೇಖನ- ಶ್ರೀನಿವಾಸ ಮಠ