ಧನುಸ್ಸು ರಾಶಿ: ಜ್ಞಾನ, ಗುರಿ ಮತ್ತು ಸತ್ಯಪ್ರಿಯತೆಯ ಈ ರಾಶಿಯವರ ಸಂಪೂರ್ಣ ಗುಣ-ಸ್ವಭಾವ ಇಲ್ಲಿದೆ

ಕಾಲಪುರುಷನ ರಾಶಿ ಚಕ್ರದಲ್ಲಿ ಒಂಬತ್ತನೇ ರಾಶಿ ಧನುಸ್ಸು. ಜ್ಞಾನ ಮತ್ತು ಗುರಿಯ ಸಂಕೇತವಾದ ಧನುಸ್ಸು ರಾಶಿಯ ಗುಣ-ಸ್ವಭಾವ, ವೈವಾಹಿಕ ಜೀವನ, ಹಣಕಾಸು ಮತ್ತು ಆರೋಗ್ಯದ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ. ಧನು ರಾಶಿಯವರು ಸಮಾಜದ ‘ಬೋಧಕರು’ ಮತ್ತು ‘ದಾರ್ಶನಿಕರು’. ನಿಮ್ಮ ಆಪ್ತರಲ್ಲಿ ಯಾರಾದರೂ ಧನು ರಾಶಿಯವರಿದ್ದರೆ ಅಥವಾ ನಿಮ್ಮ ಸಂಗಾತಿ ಈ ರಾಶಿಯವರಾಗಿದ್ದರೆ, ಇಲ್ಲಿರುವ ವಿವರಗಳು ಅವರಿಗೆ ಎಷ್ಟು ಹೊಂದಿಕೆಯಾಗುತ್ತವೆ ಎಂಬುದನ್ನು ಗಮನಿಸಿ. ಈ ರಾಶಿಯು ಮೂಲಾ (4 ಪಾದ), ಪೂರ್ವಾಷಾಢ (4 ಪಾದ) ಮತ್ತು ಉತ್ತರಾಷಾಢ (1ನೇ ಪಾದ) ನಕ್ಷತ್ರಗಳನ್ನು ಒಳಗೊಂಡಿದೆ. ಇದು ಅಗ್ನಿ ತತ್ತ್ವದ ದ್ವಿಸ್ವಭಾವ ರಾಶಿಯಾಗಿದ್ದು, ಇದರ ಅಧಿಪತಿ ದೇವಗುರು ಬೃಹಸ್ಪತಿ (Jupiter).

1. ಗ್ರಹಗತಿ ಮತ್ತು ನಕ್ಷತ್ರ ಅಧಿಪತಿಗಳು

• ರಾಶಿ ಅಧಿಪತಿ: ಗುರು.
• ನಕ್ಷತ್ರ ಅಧಿಪತಿಗಳು: ಮೂಲಾ (ಕೇತು), ಪೂರ್ವಾಷಾಢ (ಶುಕ್ರ), ಉತ್ತರಾಷಾಢ (ಸೂರ್ಯ).
• ಬಾಧಕಾಧಿಪತಿ: ಬುಧ (ಮಿಥುನ ರಾಶಿಯ ಅಧಿಪತಿ).

2. ಸಾಮಾನ್ಯ ಸ್ವಭಾವ ಮತ್ತು ವ್ಯಕ್ತಿತ್ವ

• ಸತ್ಯಪ್ರಿಯರು: ಇವರು ನೇರ ನಡೆ, ನೇರ ನುಡಿಯವರು. ಸುಳ್ಳು ಹೇಳುವುದು ಅಥವಾ ಮೋಸ ಮಾಡುವುದು ಇವರಿಗೆ ಇಷ್ಟವಿಲ್ಲ.
• ಸ್ವಾತಂತ್ರ್ಯ ಪ್ರಿಯರು: ಇವರು ಯಾರ ಅಧೀನದಲ್ಲೂ ಇರಲು ಇಷ್ಟಪಡುವುದಿಲ್ಲ. ತಮ್ಮದೇ ಆದ ದಾರಿಯಲ್ಲಿ ನಡೆಯಲು ಇಷ್ಟಪಡುತ್ತಾರೆ.
• ಆಶಾವಾದಿಗಳು: ಎಂತಹ ಕಷ್ಟದ ಪರಿಸ್ಥಿತಿಯಲ್ಲೂ ಧೈರ್ಯಗೆಡದೆ, ಭವಿಷ್ಯದ ಬಗ್ಗೆ ಸದಾ ಒಳ್ಳೆಯದನ್ನೇ ಯೋಚಿಸುತ್ತಾರೆ.
• ನಕ್ಷತ್ರವಾರು ವ್ಯತ್ಯಾಸ:
  • ಮೂಲಾ: ಆಧ್ಯಾತ್ಮಿಕ ಚಿಂತಕರು, ಜೀವನದಲ್ಲಿ ದೊಡ್ಡ ಬದಲಾವಣೆಗಳನ್ನು ತರಬಲ್ಲ ಶಕ್ತಿ ಹೊಂದಿರುವವರು.
  • ಪೂರ್ವಾಷಾಢ: ಕಲಾತ್ಮಕ ಆಸಕ್ತಿ, ಸಮಾಜದಲ್ಲಿ ಜನಪ್ರಿಯತೆ ಮತ್ತು ದೃಢ ಸಂಕಲ್ಪದವರು.
  • ಉತ್ತರಾಷಾಢ: ಸಂಯಮದ ವ್ಯಕ್ತಿತ್ವ, ಗೆಲುವಿನ ಹಾದಿಯಲ್ಲಿ ಸದಾ ಮುಂದುವರಿಯುವವರು.

3. ಆರ್ಥಿಕ ಸ್ಥಿತಿಗತಿ ಮತ್ತು ಹೂಡಿಕೆ

• ಅದೃಷ್ಟವಂತರು: ಗುರುವಿನ ಅನುಗ್ರಹದಿಂದ ಇವರಿಗೆ ಹಣಕಾಸಿನ ಕೊರತೆ ಅಷ್ಟಾಗಿ ಬರುವುದಿಲ್ಲ. ಬಂದ ಹಣವನ್ನು ಸದುಪಯೋಗ ಪಡಿಸಿಕೊಳ್ಳುವ ಕಲೆ ಇವರಿಗೆ ತಿಳಿದಿದೆ.
• ಹೂಡಿಕೆ: ಶಿಕ್ಷಣ ಸಂಸ್ಥೆಗಳು, ಚಿನ್ನಾಭರಣ ಮತ್ತು ಧಾರ್ಮಿಕ ಕ್ಷೇತ್ರಗಳಿಗೆ ಸಂಬಂಧಿಸಿದ ವ್ಯವಹಾರಗಳಲ್ಲಿ ಹೂಡಿಕೆ ಮಾಡುವುದು ಲಾಭದಾಯಕ.
• ದಾನಶೀಲರು: ಇವರು ಕೇವಲ ಹಣ ಗಳಿಸುವುದು ಮಾತ್ರವಲ್ಲ, ಸಮಾಜದ ಒಳ್ಳೆಯ ಕಾರ್ಯಗಳಿಗಾಗಿ ಹಣವನ್ನು ಧಾರಾಳವಾಗಿ ಖರ್ಚು ಮಾಡುತ್ತಾರೆ.

4. ಕುಟುಂಬ ಮತ್ತು ಸಾಮಾಜಿಕ ಜೀವನ

• ಮಾರ್ಗದರ್ಶಕರು: ಕುಟುಂಬದ ಸದಸ್ಯರಿಗೆ ಇವರು ಒಬ್ಬ ಉತ್ತಮ ಗುರುವಿನಂತೆ ಸಲಹೆಗಳನ್ನು ನೀಡುತ್ತಾರೆ. ಮಕ್ಕಳಿಗೆ ಇವರಿಂದ ಸಂಸ್ಕಾರಯುತ ಶಿಕ್ಷಣ ಸಿಗುತ್ತದೆ.
• ಸಂಬಂಧಗಳು: ಸಂಗಾತಿಯೊಂದಿಗೆ ಸದಾ ಜ್ಞಾನದ ಚರ್ಚೆಗಳನ್ನು ನಡೆಸಲು ಬಯಸುತ್ತಾರೆ. ಆದರೆ ಕೆಲವೊಮ್ಮೆ ಇವರ ಅತಿಯಾದ ಉಪದೇಶಗಳು ಮನೆಯವರಿಗೆ ಬೇಸರ ತರಿಸಬಹುದು.
• ಸಾಮಾಜಿಕ ಗೌರವ: ಇವರ ಜ್ಞಾನ ಮತ್ತು ಪಾಂಡಿತ್ಯಕ್ಕೆ ಸಮಾಜದಲ್ಲಿ ಸದಾ ಗೌರವದ ಸ್ಥಾನವಿರುತ್ತದೆ.

ಹಣೆಬರಹವನ್ನೇ ಬದಲಿಸಬಲ್ಲ ಶಕ್ತಿಶಾಲಿ ಕ್ಷೇತ್ರ: ತಿರುಪತ್ತುರ್ ಬ್ರಹ್ಮಪುರೀಶ್ವರರ್ ದೇವಾಲಯ!

5. ವೃತ್ತಿ ಮತ್ತು ಅಧಿಕಾರ

• ಕ್ಷೇತ್ರಗಳು: ಶಿಕ್ಷಕರು, ಉಪನ್ಯಾಸಕರು, ವಕೀಲರು, ಬ್ಯಾಂಕಿಂಗ್ ಅಧಿಕಾರಿಗಳು, ಧಾರ್ಮಿಕ ಪ್ರವಚನಕಾರರು ಮತ್ತು ಸಲಹೆಗಾರರಾಗಿ (Consultants) ಇವರು ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುತ್ತಾರೆ.
• ದೂರದೃಷ್ಟಿ: ಯಾವುದೇ ಯೋಜನೆಯ ಫಲಿತಾಂಶವನ್ನು ಮೊದಲೇ ಊಹಿಸುವ ಅದ್ಭುತ ಶಕ್ತಿ ಇವರಿಗಿದೆ.
• ನಾಯಕತ್ವ: ಇವರು ಅಧಿಕಾರಕ್ಕಾಗಿ ಆಸೆ ಪಡುವುದಿಲ್ಲ, ಆದರೆ ಇವರ ಅರ್ಹತೆಗೆ ಅಧಿಕಾರ ತಾನಾಗಿಯೇ ಹುಡುಕಿಕೊಂಡು ಬರುತ್ತದೆ.

6. ವೈವಾಹಿಕ ಜೀವನ ಮತ್ತು ಆರೋಗ್ಯ

• ಸಂಗಾತಿ: ಬುಧ ಸಪ್ತಮಾಧಿಪತಿಯಾಗಿರುವುದರಿಂದ ಸಂಗಾತಿಯು ಬುದ್ಧಿವಂತರು ಮತ್ತು ಮಾತಿನ ಚತುರರಾಗಿರುತ್ತಾರೆ. ಆದರೆ ವಿಚಾರಗಳಲ್ಲಿ ಭಿನ್ನಾಭಿಪ್ರಾಯ ಮೂಡುವ ಸಾಧ್ಯತೆ ಇರುತ್ತದೆ.
• ಆರೋಗ್ಯ ಸಮಸ್ಯೆಗಳು: ಯಕೃತ್ತು (Liver) ಸಂಬಂಧಿತ ತೊಂದರೆಗಳು, ಸೊಂಟದ ನೋವು ಮತ್ತು ಅತಿಯಾದ ತೂಕದ ಸಮಸ್ಯೆಗಳ ಬಗ್ಗೆ ಜಾಗ್ರತೆ ಇರಲಿ.
• ಎಚ್ಚರಿಕೆ: ಅತಿಯಾದ ಮಸಾಲೆಯುಕ್ತ ಆಹಾರ ಮತ್ತು ಸಿಹಿತಿಂಡಿಗಳ ಸೇವನೆಯಿಂದ ದೂರವಿರುವುದು ಆರೋಗ್ಯಕ್ಕೆ ಉತ್ತಮ.

7. ಎಚ್ಚರಿಕೆ ಮತ್ತು ಜೀವನದ ಹಾದಿ

• ಅತಿಯಾದ ಆತ್ಮವಿಶ್ವಾಸ: ನಿಮ್ಮ ಜ್ಞಾನದ ಬಗ್ಗೆ ನಿಮಗೆ ಹೆಮ್ಮೆ ಇರಲಿ, ಆದರೆ ಅದು ಅಹಂಕಾರವಾಗದಂತೆ ನೋಡಿಕೊಳ್ಳಿ.
• ಟೀಕೆಗಳನ್ನು ಸ್ವೀಕರಿಸಿ: ಬೇರೆಯವರ ಸಲಹೆಗಳನ್ನು ಕೇಳುವ ಗುಣವನ್ನು ಬೆಳೆಸಿಕೊಳ್ಳಿ.
• ಯಶಸ್ಸಿನ ಗ್ರಾಫ್: 24ನೇ ವಯಸ್ಸಿನಿಂದಲೇ ಏಳಿಗೆ ಆರಂಭವಾದರೂ 32 ರಿಂದ 45 ವರ್ಷಗಳ ಅವಧಿಯಲ್ಲಿ ಇವರು ಜೀವನದ ಉತ್ತುಂಗಕ್ಕೇರುತ್ತಾರೆ.

8. ಆಧ್ಯಾತ್ಮಿಕ ಪರಿಹಾರ ಮತ್ತು ದೇವಾಲಯ ಭೇಟಿ

• ಗುರು ಆರಾಧನೆ: ಗುರುವಿನ ಬಲಕ್ಕಾಗಿ ಪ್ರತಿ ಗುರುವಾರ ‘ರಾಘವೇಂದ್ರ ಸ್ತೋತ್ರ’ ಅಥವಾ ‘ದತ್ತಾತ್ರೇಯ ಸ್ತೋತ್ರ’ ಪಠಿಸುವುದು ಅತ್ಯಂತ ಶುಭದಾಯಕ.
• ದೇವಾಲಯ ಭೇಟಿ: ಮಂತ್ರಾಲಯದ ರಾಘವೇಂದ್ರ ಸ್ವಾಮಿ ಮಠ ಅಥವಾ ಶಿರಡಿ ಸಾಯಿಬಾಬಾ ಮಂದಿರಕ್ಕೆ ಭೇಟಿ ನೀಡುವುದು ಶ್ರೇಯಸ್ಕರ.
• ಗುರುವಿನ ಅನುಗ್ರಹಕ್ಕೆ: ಪ್ರತಿ ಗುರುವಾರ ಹಳದಿ ಬಣ್ಣದ ಹಣ್ಣುಗಳನ್ನು ದಾನ ಮಾಡಿ ಅಥವಾ ದೇವಸ್ಥಾನದ ಅರ್ಚಕರಿಗೆ ವಸ್ತ್ರದಾನ ಮಾಡಿ.

ಸೂರ್ಯನಿಂದ ಕೇತುವಿನವರೆಗೆ: ನಿಮ್ಮ ಜೀವನದ ಮೇಲೆ ಒಂಬತ್ತು ಗ್ರಹಗಳ ಪರಿಣಾಮ ಹೇಗಿರುತ್ತದೆ?

9. ಶುಭ ವರ್ಣಗಳು (Lucky Colors)

• ಹಳದಿ (Yellow): ಇದು ಗುರುವಿನ ಬಣ್ಣ, ಇದು ಇವರಲ್ಲಿ ಸೌಭಾಗ್ಯ ಮತ್ತು ಜ್ಞಾನವನ್ನು ಹೆಚ್ಚಿಸುತ್ತದೆ.
• ಕೇಸರಿ ಮತ್ತು ತಿಳಿ ಕೆಂಪು: ಧಾರ್ಮಿಕ ಕಾರ್ಯಗಳಲ್ಲಿ ಈ ಬಣ್ಣಗಳನ್ನು ಬಳಸುವುದು ಶುಭಕರ.

10. ಅದೃಷ್ಟ ರತ್ನ (Lucky Gemstone)

• ಪುಷ್ಯರಾಗ (Yellow Sapphire): ಧನು ರಾಶಿಯವರಿಗೆ ಪುಷ್ಯರಾಗ ರತ್ನವು ಅತ್ಯಂತ ಶ್ರೇಷ್ಠ. ಇದು ಗೌರವ, ಐಶ್ವರ್ಯ ಮತ್ತು ಮನಶ್ಶಾಂತಿಯನ್ನು ನೀಡುತ್ತದೆ.
• ಧರಿಸುವ ಕ್ರಮ: ಗುರುವಾರ ಬೆಳಿಗ್ಗೆ ಪೂಜಿಸಿ, ಚಿನ್ನದ ಉಂಗುರದಲ್ಲಿ ತೋರುಬೆರಳಿಗೆ ಧರಿಸಬೇಕು.

11. ಧನು ರಾಶಿಯವರ ವಿವಾಹ ಮತ್ತು ಹೊಂದಾಣಿಕೆ (Sagittarius Compatibility)

ಧನು ರಾಶಿಯವರು ಸ್ವಾತಂತ್ರ್ಯ ಪ್ರಿಯರು, ಸಾಹಸ ಮನೋಭಾವದವರು ಮತ್ತು ನೇರ ನಡೆಯ ನುಡಿಯವರು. ಇವರು ಜೀವನವನ್ನು ಒಂದು ಪ್ರಯಾಣದಂತೆ ನೋಡುತ್ತಾರೆ. ಹಾಗಾಗಿ ಇವರಿಗೆ ಕಿರಿಕಿರಿ ಮಾಡದ, ಇವರ ಉತ್ಸಾಹಕ್ಕೆ ಸಾಥ್ ನೀಡುವ ಸಂಗಾತಿ ಬೇಕಾಗುತ್ತದೆ.

1. ಅತ್ಯುತ್ತಮ ಹೊಂದಾಣಿಕೆ ಇರುವ ರಾಶಿಗಳು (Best Matches)

• ಮೇಷ ರಾಶಿ (Aries): ಇಬ್ಬರೂ ಅಗ್ನಿ ತತ್ತ್ವದವರಾದ್ದರಿಂದ ಇವರ ನಡುವೆ ಶಕ್ತಿಯುತವಾದ ಕೆಮಿಸ್ಟ್ರಿ ಇರುತ್ತದೆ. ಇಬ್ಬರಿಗೂ ಸಾಹಸ ಮತ್ತು ಹೊಸತನ ಎಂದರೆ ಇಷ್ಟ. ಇವರ ಜೀವನ ಎಂದಿಗೂ ಸಪ್ಪೆಯಾಗಿರುವುದಿಲ್ಲ.

• ಸಿಂಹ ರಾಶಿ (Leo): ಸಿಂಹದ ರಾಜ ಲಕ್ಷಣ ಮತ್ತು ಧನಸ್ಸು ರಾಶಿಯವರ ಆಪ್ಟಿಮಿಸಂ (ಆಶಾವಾದ) ಒಂದಕ್ಕೊಂದು ಪೂರಕ. ಪರಸ್ಪರ ಗೌರವ ನೀಡುವ ಈ ಜೋಡಿ ಸಾಮಾಜಿಕವಾಗಿ ತುಂಬಾ ಜನಪ್ರಿಯವಾಗುತ್ತದೆ.

• ಕುಂಭ ರಾಶಿ (Aquarius): ಕುಂಭದ ಬೌದ್ಧಿಕ ಚಿಂತನೆ ಮತ್ತು ಧನಸ್ಸು ರಾಶಿಯವರ ಜ್ಞಾನದ ಹಸಿವು ಒಂದಾದಾಗ ಉತ್ತಮ ಹೊಂದಾಣಿಕೆ ಏರ್ಪಡುತ್ತದೆ. ಇಬ್ಬರೂ ಒಬ್ಬರಿಗೊಬ್ಬರು ವೈಯಕ್ತಿಕ ಸ್ವಾತಂತ್ರ್ಯವನ್ನು ಬಿಟ್ಟುಕೊಡುತ್ತಾರೆ.

2. ಸಾಧಾರಣ ಹೊಂದಾಣಿಕೆ (Average Matches)

• ತುಲಾ ರಾಶಿ (Libra): ತುಲಾ ರಾಶಿಯವರು ಧನು ರಾಶಿಯವರ ನೇರ ನುಡಿಯನ್ನು ಸಮತೋಲನ ಮಾಡಬಲ್ಲರು. ಆದರೆ ಧನಸ್ಸು ರಾಶಿಯವರ ಅತಿಯಾದ ಹೊರಗಿನ ಓಡಾಟ ತುಲಾ ರಾಶಿಯವರಿಗೆ ಕೆಲವೊಮ್ಮೆ ಅಸುರಕ್ಷತೆ ಮೂಡಿಸಬಹುದು.

• ಮಿಥುನ ರಾಶಿ (Gemini): ಇದು ಧನು ರಾಶಿಯ ಸಪ್ತಮ (ವಿರುದ್ಧ) ರಾಶಿ. ಇಬ್ಬರೂ ಜ್ಞಾನಪಿಪಾಸುಗಳು. ಸರಿಯಾದ ಸಂವಹನವಿದ್ದರೆ ಇವರ ಜೋಡಿ ಅದ್ಭುತವಾಗಿ ಸಾಗುತ್ತದೆ.

3. ಕಡಿಮೆ ಹೊಂದಾಣಿಕೆ (Challenging Matches)

• ಕನ್ಯಾ ಮತ್ತು ಮೀನ ರಾಶಿ: ಕನ್ಯಾ ರಾಶಿಯವರ ಅತಿಯಾದ ಟೀಕೆ ಅಥವಾ ವಿವರಗಳಿಗೆ ಗಮನ ಕೊಡುವ ಗುಣ ಮತ್ತು ಮೀನ ರಾಶಿಯವರ ಅತಿಯಾದ ಭಾವನಾತ್ಮಕತೆ ಧನು ರಾಶಿಯವರಿಗೆ ಕಷ್ಟವೆನಿಸಬಹುದು. ಇವರು ಧನಸ್ಸು ರಾಶಿಯವರ “ಮುಕ್ತ ಹಕ್ಕಿಯಂತೆ ಇರಬೇಕು” ಎನ್ನುವ ಪ್ರವೃತ್ತಿಗೆ ಅಡ್ಡಿಯಾಗಬಹುದು.

ಧನುಸ್ಸು ರಾಶಿ – ಸಂಕ್ಷಿಪ್ತ ಮಾಹಿತಿ

ಕೊನೆಮಾತು:

ಧನುಸ್ಸು ರಾಶಿಯವರು ತಮಗೆ ಏನು ಗೊತ್ತಿದೆಯೋ ಅದನ್ನು ಪದೇಪದೇ ಹೇಳುತ್ತಲೇ ಇರುತ್ತಾರೆ. ತಮ್ಮಂತೆಯೇ ಎಲ್ಲರೂ ಇರಬೇಕು ಎಂದು ಒತ್ತಡ ಹಾಕುತ್ತಾರೆ. ನಿಮ್ಮಲ್ಲಿರುವ ಜ್ಞಾನವು ಇತರರ ಬಾಳಿಗೂ ದಾರಿದೀಪವಾಗಲಿ. ಹಿಂಸೆ ಮಾಡಬೇಡಿ.

ಲೇಖನ- ಶ್ರೀನಿವಾಸ ಮಠ